Father raped minor daughter: ఛత్తీస్గఢ్లోని జష్పుర్లో అమానవీయ ఘటన వెలుగుచూసింది. మద్యం మత్తులో కన్న కూతురిపైనే స్నేహితులతో కలిసి అత్యాచారానికి ఒడిగట్టాడు ఓ కిరాతకుడు. కేసు నమోదు చేసిన పోలీసులు.. ముగ్గురు నిందితులను అరెస్టు చేశారు.
ఇదీ జరిగింది..:"నారాయణ్పుర్ పోలీస్ స్టేషన్ పరిధిలో తన ముగ్గురు పిల్లలతో కలిసి నివసిస్తున్నాడు నిందితుడు. నిందితుడి భార్య 2019లో చనిపోయింది. ఏప్రిల్ 28న రాత్రి మద్యం మత్తులో ఇద్దరు స్నేహితులతో కలిసి ఇంటికి వచ్చాడు నిందితుడు. తన ఇద్దరు తమ్ముళ్లతో (మూడేళ్లు, ఆరేళ్ల వయసున్నవారు) కలిసి నిద్రపోతున్న తొమ్మిదేళ్ల కూతురిని స్నేహితుల సహకారంతో పక్క గదిలోకి తీసుకెళ్లి అత్యాచారానికి పాల్పడ్డాడు. ఈ ఘటన జరిగిన అనంతరం తమ అమ్మమ్మకు సమాచారం అందించింది బాలిక. దీంతో ఆమె పోలీసులకు ఫిర్యాదు చేశారు" అని అధికారులు తెలిపారు. ఈ ముగ్గురిపై పోక్సో చట్టం కింద కేసు నమోదు చేసిన పోలీసులు వారిని అరెస్టు చేశారు.