Farmers protest: 'జూన్​ 5న సంపూర్ణ క్రాంతి దివస్​'

సాగు చట్టాలను(Farmer laws) ఆర్డినెన్స్​లుగా ప్రకటించి ఏడాది గడుస్తున్న సందర్భంగా జూన్ 5ను 'సంపూర్ణ క్రాంతి దివస్​'గా నిర్వహించాలని నిర్ణయించింది సంయుక్త కిసాన్​ మోర్చా. భాజపా ఎమ్మెల్యేలు, ఎంపీల కార్యాలయాల ముందు చట్టాల ప్రతులను దగ్దం చేయనున్నారు.

సాగు చట్టాలను(Farmer laws) ఆర్డినెన్స్​లుగా ప్రకటించి ఏడాది గడుస్తున్న సందర్భంగా రైతులు నిరసనగా(Farmers protest) జూన్ 5ను సంపూర్ణ 'క్రాంతి దివస్​'గా జరపనున్నారు. భాజపా ఎమ్మెల్యేలు, ఎంపీల కార్యాలయాల ముందు చట్టాల ప్రతులను దగ్దం చేయనున్నామని సంయుక్త కిసాన్​ మోర్చా తెలిపింది. చట్టాలను కేంద్రం మొదట ఆర్డినెన్స్​లుగా ప్రకటించిన అనంతరం.. సెప్టెంబర్​లో ప్రతిపాదిత చట్టాలకు కేంద్రం ఆమోదం తెలిపింది. ఆ తర్వాత రాష్ట్రపతి ఆమోదముద్ర పడి చట్టాలుగా మారాయి.

"1974, జూన్​ 5ను సంపూర్ణ క్రాంతి దివస్​గా ప్రకటించిన జయ ప్రకాశ్​ నారాయణ.. అప్పటి కేంద్ర ప్రభుత్వానికి వ్యతిరేకంగా ప్రజా ఉద్యమానికి శ్రీకారం చుట్టారు. గత ఏడాది జూన్​ 5న, సాగు చట్టాలను కేంద్రం ఆర్డినెన్స్​లుగా ప్రకటించింది.అదే జూన్​ 5న దేశమంతటా క్రాంతి దివస్​గా పాటించాలి. సాగు చట్టాల ప్రతులను కాల్చివేయాలని ప్రజలకు విజ్ఞప్తి చేస్తున్నాం. ఇదో ప్రజా ఉద్యమంగా మారి చట్టాల రద్దుకు కేంద్రంపై ఒత్తిడి తేవాలి."

-సంయుక్త కిసాన్​ మోర్చా

మాజీ ప్రధాని చౌధరి చరణ్​ సింగ్ వర్ధంతిని పురస్కరించుకుని రైతు సంఘాలు ఆయనకు నివాళులు అర్పించాయి. రైతులకు ఆయన చేసిన సేవలను స్మరించుకున్నాయి.

పంజాబ్​లోని దోబా నుంచి పెద్ద సంఖ్యలో రైతులు సింఘూ బార్డర్​కు శనివారం చేరుకున్నారు. ఉద్యమాన్ని(Farmers protest) ఉద్ధృతం చేయడానికి మరింత మంది రైతులు దిల్లీ సరిహద్దులకు చేరుకుంటారని సంయుక్త కిసాన్​ మోర్చా వెల్లడించింది.

ఇదీ చదవండి:ULFA: 'ప్రభుత్వంతో చర్చలకు వ్యతిరేకం కాదు'