16:36 February 06
చక్కాజామ్ ప్రశాంతం-పుణె, దిల్లీలో స్వల్ప ఉద్రిక్తత
అక్టోబర్ రెండో తేదీలోగా సాగుచట్టాలను రద్దుచేయాలని రైతుసంఘాలు కేంద్రానికి
గడువు విధించాయి. డిమాండ్లు నెరవేరే వరకూ దేశ రాజధానిని వదిలివెళ్లేది లేదని తేల్చిచెప్పాయి. చక్కాజామ్ పేరిట రైతుసంఘాలు పిలుపునిచ్చిన దేశవ్యాప్త రాస్తారోకో ప్రశాంతంగా ముగిసినట్లు ప్రకటించాయి.
బెంగళూరు, పుణె, దిల్లీలో ఆందోళనకారులను పోలీసులు అదుపులోకి తీసుకోవడంతో స్వల్ప ఉద్రిక్తత చోటుచేసుకుంది.
15:27 February 06
మా డిమాండ్లు పరిష్కారమయ్యే వరకు ఇంటికి వెళ్లం
14:24 February 06
50 వేల మంది బలగాలు..
దిల్లీ-ఎన్సీఆర్ సరిహద్దుల్లో దాదాపు 50 వేల మంది పోలీసు, పారామిలిటరీ సిబ్బంది మోహరించారు.
14:21 February 06
గాజీపుర్ సరిహద్దు వద్ద భారీగా బలగాలు..
చక్కా జామ్ నేపథ్యంలో.. దిల్లీ పోలీసు యంత్రాంగం కట్టుదిట్టమైన భద్రతా ఏర్పాట్లు చేపట్టింది. దిల్లీ-ఉత్తర్ప్రదేశ్ ప్రాంతంలోని గాజీపుర్ సరిహద్దు వద్ద భారీగా బలగాలను మోహరించింది. నిరసనకారులు దేశ రాజధానిలోకి ప్రవేశించకుండా.. బారికేడ్లు, ఇనుప కంచెలను రోడ్లపై ఏర్పాటు చేసింది.
14:19 February 06
దిల్లీలో నిర్బంధం..
దిల్లీ షాహిదీ పార్క్ ప్రాంతం వద్ద సాగు చట్టాలకు వ్యతిరేకంగా చక్కా జామ్ నిర్వహిస్తున్న నిరసనకారులను పోలీసులు అదుపులోకి తీసుకున్నారు. దిల్లీలో చక్కా జామ్ నిర్వహించబోమని రైతు సంఘాలు ప్రకటించిన నేపథ్యంలోనే వారిని నిర్బంధించారు.
13:14 February 06
కట్టుదిట్టం
రైతుల రాస్తా రోకో నేపథ్యంలో యూపీ పోలీసులు పటిష్ఠ భద్రత ఏర్పాటు చేశారు. రాష్ట్ర, జాతీయ రహదారుల వెంబడి 6 పారామిలిటరీ కంపెనీలు, 144 యూపీ-పీఏసీ కంపెనీల సిబ్బందిని మోహరించినట్లు రాష్ట్ర అదనపు డీజీ ప్రశాంత్ కుమార్ తెలిపారు. డ్రోన్ల ద్వారా పెట్రోలింగ్ నిర్వహిస్తున్నట్లు చెప్పారు. ప్రతి కదలికను రికార్డు చేస్తున్నట్లు వెల్లడించారు.
12:50 February 06
జమ్ము కశ్మీర్ సంఘాల మద్దతు
దేశవ్యాప్తంగా రైతులు చేపట్టిన చక్కా జామ్(రాస్తారోకో)కు మద్దతుగా జమ్ము కశ్మీర్లో నిరసనలు జరిగాయి. అక్కడి రైతు సంఘాలు రోడ్లపై బైఠాయించి నినాదాలు చేశాయి. దిల్లీ సరిహద్దులో ఉద్యమిస్తున్న రైతులకు తమ మద్దతు ఉంటుందని నిరసనకారులు స్పష్టం చేశారు. సాగు చట్టాలను రద్దు చేయాలని కేంద్రాన్ని డిమాండ్ చేశారు.
హరియాణా అతోహాన్ చౌక్ వద్ద రైతులు చక్కా జామ్ నిర్వహించారు.
12:33 February 06
'వీధుల్లోకి రండి.. ధర్నా చేయండి'
సాగు చట్టాలకు వ్యతిరేకంగా నిరసన చేస్తున్న ప్రజలందరినీ వీధుల్లోకి రావాలని కోరారు కాంగ్రెస్ నేత దిగ్విజయ్ సింగ్. ధర్నాలో పాల్గొనాలని పిలుపునిచ్చారు.
12:27 February 06
రైతుల నిర్బంధం..
బెంగళూరు యలహంక పోలీస్ స్టేషన్ ఎదుట నిరసనలు చేస్తున్న రైతులను నిర్బంధించారు పోలీసులు. నిరసనకారులను బస్సుల్లో తరలించారు.
12:18 February 06
పంజాబ్లో రైతులు..
దేశవ్యాప్తంగా రాస్తారోకోలో భాగంగా.. పంజాబ్లో రైతులు రోడ్లను దిగ్బంధించారు. అమృత్సర్, మొహలీ వంటి ప్రధాన నగరాల్లో రోడ్లపై బైఠాయించి నిరసనలు చేస్తున్నారు రైతులు.
12:16 February 06
షాజహాన్పుర్ హైవే దిగ్బంధం..
రాజస్థాన్-హరియాణా సరిహద్దులోని షాజహాన్పుర్ జాతీయ రహదారిని దిగ్బంధించారు రైతులు. కేంద్ర ప్రభుత్వానికి వ్యతిరేకంగా నినాదాలు చేస్తున్నారు నిరసనకారులు. సాగు చట్టాలను రద్దు చేయాలని డిమాండ్ చేస్తున్నారు.
12:03 February 06
మెట్రో స్టేషన్లు మూసివేత..
12:03 February 06
రైతు సంఘాల రాస్తారోకో..
11:21 February 06
పునరావృతం కానివ్వం..
చక్కా జామ్ నేపథ్యంలో.. జనవరి 26న జరిగిన ఘటనలు పునరావృతం కాకుండా చూస్తామని దిల్లీ సీపీ ఆలోక్ కుమార్ తెలిపారు. దేశ రాజధానిలో భద్రతను పర్యవేక్షించడానికి డ్రోన్లను వినియోగిస్తున్నట్లు పేర్కొన్నారు. సున్నితమైన ప్రాంతాల్లో సీసీటీవీలు అమర్చినట్లు స్పష్టం చేశారు.
11:16 February 06
'పంజాబ్ మాత్రమే కాదు. దేశమంతా'
రైతు నిరసనలు ఒక్క రాష్ట్రానికే పరిమితం అయ్యాయన్న కేంద్రం వ్యాఖ్యలపై స్పందించారు శిరోమణి అకాలీదళ్ నేత హర్సిమ్రత్ కౌర్ బాదల్. పంజాబ్లో మాత్రమే నిరసనలు చేస్తున్నారని ప్రభుత్వం అపార్థం చేసుకుంటోందని బదులిచ్చారు.
'' పంజాబ్ రైతులు మాత్రమే నిరసనలు చేస్తున్నారని ప్రభుత్వం తప్పుగా అనుకుంటోంది. దేశమంతా నిరసనలు జరుగుతున్నాయి. అన్ని రాష్ట్రాల ప్రజలు సాగు చట్టాలకు వ్యతిరేకంగా పోరాడుతున్నారు.''
- హర్సిమ్రత్ కౌర్ బాదల్, ఎస్ఏడీ నాయకురాలు
11:08 February 06
మరో నాలుగు మెట్రో స్టేషన్లు మూసివేత..
లాల్ ఖిలా, జామా మసీదు, జన్పథ్, సెంట్రల్ సెక్రటేరియట్ మెట్రో స్టేషన్లను కూడా మూసివేశారు.
10:42 February 06
మెట్రో స్టేషన్లు మూసివేత..
చక్కా జామ్ నేపథ్యంలో.. మండీ హౌస్, ఐటీఓ, దిల్లీ గేట్, విశ్వవిద్యాలయ మెట్రో స్టేషన్లను మూసివేశారు. ఈ మేరకు దిల్లీ మెట్రో రైల్ కార్పొరేషన్ ఓ ప్రకటన వెలువరించింది.
10:08 February 06
డ్రోన్లతో పర్యవేక్షణ..
దిల్లీలో శాంతి భద్రతలను పర్యవేక్షించేందుకు డ్రోన్లను ఉపయోగిస్తున్నారు పోలీసులు.
10:06 February 06
ఇనుప కంచెలు, బారికేడ్లు..
నిరసనకారులను అడ్డుకునేందుకు దిల్లీ సరిహద్దుల్లో భారీగా బారికేడ్లు, ఇనుప కంచెలను ఏర్పాట్లు చేశారు. పరిస్థితి చేయిదాటితే చెదరగొట్టేందుకు నీళ్ల ట్యాంకర్లు, జల ఫిరంగులు అందుబాటులో ఉంచుకున్నారు.
10:05 February 06
అదనపు బలగాలు..
చక్కా జామ్ నేపథ్యంలో.. దిల్లీ సరిహద్దుల్లో అదనపు బలగాలను మోహరించారు. దాదాపు 50 వేల మంది పారామిలిటరీ, రిజర్వు బలగాలు పహారా కాస్తున్నాయి.
09:48 February 06
లైవ్ అప్డేట్స్: పటిష్ఠ భద్రతా వలయంలో దిల్లీ
సాగు చట్టాలను రద్దుచేసే వరకూ విశ్రమించేది లేదంటూ ఉద్యమిస్తున్న అన్నదాతలు.. నేడు దేశవ్యాప్తంగా రాస్తారోకో నిర్వహించనున్నారు. మధ్యాహ్నం 12 నుంచి 3 గంటల వరకు రహదారులను.. దిగ్బంధం చేయనున్నారు. దిల్లీ, ఉత్తర్ప్రదేశ్, ఉత్తరాఖండ్‌లకు మినహా.. దేశవ్యాప్తంగా జాతీయ, రాష్ట్ర రహదారులపై ఆందోళన చేపట్టనున్నారు. రాస్తారోకోలకు పిలుపునిచ్చిన నేపథ్యంలో దేశరాజధాని దిల్లీలో పటిష్ఠ బందోబస్తు ఏర్పాటు చేశారు.
దాదాపు 50 వేల మంది పోలీసు, పారామిలిటరీ, రిజర్వు బలగాలను మోహరించారు.