రఫేల్​ పైలెట్లతో 'ఈటీవీ భారత్'​ ముఖాముఖి

భారత్, ఫ్రాన్స్ వాయుదళాలు సంయుక్తంగా నిర్వహించిన 'ఎక్స్ డిజర్ట్ నైట్' విన్యాసాల్లో రఫేల్​ యుద్ధ విమానాలు పాల్గొన్నాయి. ఇందులో రఫేల్​ యుద్ధ విమానాలను నడిపిన ఫ్రెంచ్​, భారత పైలెట్లను 'ఈటీవీ భారత్​' పలకరించింది. ​రఫేల్​ విమానాల్ని నడిపే సమయంలో అనుసరించే ఉత్తమ పద్ధతులను ఒకరినొకరితో పంచుకునేందుకు విన్యాసాలు ఉపయోగపడ్డాయని వారు తెలిపారు.

భారత్, ఫ్రాన్స్ వాయుసేనలు కలిసి నాలుగు రోజుల పాటు నిర్వహించిన మెగా డ్రిల్ శనివారం ముగిసింది. 'ఎక్స్ డిజర్ట్ నైట్' పేరిట జోధ్​పుర్​లో ఈ విన్యాసాలు జరిగాయి. ఇందులో భారత్, ఫ్రాన్స్​కు చెందిన రఫేల్ విమానాలు పాల్గొని, కఠినమైన విన్యాసాలను ప్రదర్శించాయి. అయితే ఈ విమానాలను నడిపిన భారత్​ సహా ఫ్రాన్స్​ పైలెట్లను 'ఈటీవీ భారత్'​ ఇంటర్వ్యూ చేసింది. ఈ సందర్భంగా వారు చెెప్పిన విశేషాలు మీకోసం.

రఫేల్ పైలెట్లు

రఫేల్ అద్భుత విన్యాసాలు​

విన్యాసాల్లో రఫేల్​

"ఇది చాలా మంచి అనుభవం. రఫేల్​ విమానాన్ని నడపడం చాలా బాగుంది. భారత్​- ఫ్రాన్స్​ బంధం చాలా బలమైనది. తెలిసిన విషయాలను పరస్పరం పంచుకున్నాం."

- ఫ్రాన్స్​ పైలెట్

"ఈ విన్యాసాల ద్వారా ఎంతో నేర్చుకున్నాం. ఫ్రాన్స్ తయారు చేసిన రఫేల్​ విమానాల్ని వారితో పాటే నడపడం మంచి అనుభవం. మా పైలెట్ల దగ్గర నుంచి కూడా వాళ్లు కొన్ని విషయాలు నేర్చుకున్నారు. పరిస్థితులకు తగ్గట్లు రఫేల్​ విమానాల్ని ఎలా నడపాలి వంటి సాంకేతిక అంశాలపై మంచి అవగాహన వచ్చింది. ఎన్నో ఏళ్లుగా మన వద్ద సేవలు అందిస్తోన్న సుఖోయ్ సహా పలు యుద్ధ విమానాలతో రఫేల్​ కలవడం మన శక్తిని మరింత పెంచింది. ప్రపంచంలో ఏ శక్తి వీటిని ఛేదించలేదు."

- నవీన్​ కౌశిక్, భారత పైలెట్

ఈ విన్యాసాల్లో మిరాజ్, సుఖోయ్​ విమానాలతో పాటు, గగనతల హెచ్చరిక వ్యవస్థ, ఐఎల్-78 ఫ్లైట్ రీఫ్యూయెలింగ్ విమానం సైతం పాల్గొన్నాయి.