భారత్లోనే కాదు ఖండాల్లోనూ విలువైన వజ్రాలకు ప్రఖ్యాతి గాంచిన మధ్యప్రదేశ్లోని పన్నాలో మరో అరుదైన వజ్రం బయటపడింది. లీజుకు తీసుకున్న గనిలో విలువైన వజ్రం దొరకడం వల్ల ఓ కూలీ రాత్రికి రాత్రి లక్షాధికారిగా మారాడు.
రాణీబాగ్కు చెందిన రూపేశ్ కుష్వాహా అనే కూలీ.. ఇటీవలే గనిని లీజుకు తీసుకున్నాడు. శనివారం అతడి పంట పండింది. 3.1 క్యారెట్ల విలువైన వజ్రం రూపేశ్కు దొరికింది. దీంతో అతడి ఆనందానికి అవధుల్లేకుండా పోయింది. ఆ వజ్రాన్ని పన్నాలోని డైమండ్ ఆఫీస్లో డిపాజిట్ చేసినట్లు రూపేశ్ చెప్పాడు. వేలం ద్వారా వచ్చిన డబ్బును తన భవిష్యత్తు అవసరాల నిమిత్తం ఉపయోగిస్తానని చెప్పాడు.
కూలీకి దొరికిన భారీ డైమండ్.. రాత్రికి రాత్రే లక్షాధికారిగా!
విలువైన వజ్రం దొరకడం వల్ల ఓ కూలీ రాత్రికి రాత్రి లక్షాధికారిగా మారాడు. మధ్యప్రదేశ్లో పన్నాలో జరిగిందీ ఘటన.
emerald-land-made-dhanna-seth-a-labour-diamond-worth-10-lakhs-found-in-mine
రూ.10లక్షలు..
త్వరలో జరగనున్న వజ్రాల వేలంలో ఈ వజ్రాన్ని ఉంచుతామని పన్నా డైమండ్ ఆఫీసు అధికారులు తెలిపారు. వేలంలో ఈ వజ్రం సుమారు రూ.10 పలుకుతుందని అంచనా వేస్తున్నారు. రూపేశ్కు దొరికిన వజ్రం మంచి నాణ్యత కలిగి ఉందని తెలిపారు.
మధ్యప్రదేశ్లోని పన్నా.. వజ్రాల గనులకు ప్రసిద్ధి. అనేక మంది ఆ ప్రాంతంలో భూమిని లీజుకు తీసుకుని, ప్రభుత్వ అనుమతితో వజ్రాల కోసం తవ్వకాలు జరుపుతుంటారు. గనుల్లో దొరికిన వజ్రాల్ని డైమండ్ ఆఫీస్లో డిపాజిట్ చేసి, అధికారుల సమక్షంలో వేలం వేయిస్తారు. అయితే.. ఆ ప్రాంతంలో ఎవరికైనా తమ పొలాల్లో ఏదైనా విలువైన వజ్రం లేదా రాయి దొరికితే ప్రభుత్వం వాటి విలువలో 12.5 శాతం వాటా ఇస్తుంది. కానీ కొంత మంది తమకు గనుల్లో దొరికిందని, ఆ వస్తువు తమదే అని వాదిస్తారు. ఒకవేళ ఈ విషయం కోర్టుకు వెళ్తే తీర్పు గని యజమానికి అనుకూలంగానే తీర్పు వస్తుంది. ఒక వేళ డైమండ్ దొరికిన విషయాన్ని ప్రభుత్వానికి తెలియజేయకుండా దాచితే వారిపై చర్యలు తీసుకోవచ్చని పోలీసులు తెలిపారు.