ఎరువుల స్కాంలో రాజ్యసభ ఎంపీ అరెస్టు

ఎరువుల కుంభకోణం కేసులో ఆర్జేడీ నేత, రాజ్యసభ ఎంపీ అమరేంద్ర ధారి సింగ్ అరెస్టయ్యారు. ఎన్​ఫోర్స్​మెంట్ డైరెక్టరేట్ దిల్లీలో ఆయన్ను అదుపులోకి తీసుకుంది.

రాష్ట్రీయ జనతా దళ్(ఆర్జేడీ) నేత, రాజ్యసభ ఎంపీ అమరేంద్ర ధారి సింగ్​ను ఎన్​ఫోర్స్​మెంట్ డైరెక్టరేట్(ఈడీ) అరెస్టు చేసింది. ఎరువుల కుంభకోణం కేసులో ఆయన్ను అదుపులోకి తీసుకుంది. దిల్లీలోని డిఫెన్స్ కాలనీ ప్రాంతంలో అమరేంద్రను అరెస్టు చేసినట్లు తెలుస్తోంది.

ఆర్జేడీ నేత తేజస్వీ యాదవ్​తో అమరేంద్ర(ఎడమ)

కొద్దిరోజుల క్రితం ఫర్టిలైజర్ స్కామ్​కు సంబంధించి సీబీఐ సైతం కేసు నమోదు చేసింది. బిహార్ రాజకీయాల్లో అమరేంద్ర​కు చాలా ప్రాధాన్యం ఉంది. ఆర్జేడీ అధినేత లాలూ ప్రసాద్ యాదవ్​కు ఈయన సన్నిహితుడు. మూడు దశాబ్దాలుగా ఆయన వ్యాపార సామ్రాజ్యంలో ఉన్నారు. సూపర్-30 పేరుతో ఐఐటీ ప్రవేశాల కోసం నిర్వహించిన కోచింగ్ ఇన్​స్టిట్యూట్​కు ఈయన మద్దతు ఇచ్చినట్లు చెబుతారు.

ఇదీ చదవండి-వ్యభిచార ముఠా నుంచి ఇద్దరు నటులకు విముక్తి