ఈసీ అధికారులు, సిబ్బందికి టీకా పంపిణీ షురూ

ఎన్నికల కమిషన్​లో టీకా పంపిణీ గురువారం ప్రారంభం అయింది. అధికారులకు, సిబ్బందికి వ్యాక్సిన్లు అందిస్తున్నారు. ఈ సందర్భంగా ఎన్నికల సంఘం మాజీ ప్రధాన కమిషనర్​ ఎంఎస్​ గిల్​కు తొలి వ్యాక్సిన్​ ఇచ్చారు.

అధికారులకు, సిబ్బందికి టీకా పంపిణీ కార్యక్రమాన్ని ఎన్నికల సంఘం గురువారం ప్రారంభించింది. దిల్లీలోని ఎన్నికల సంఘం కార్యాలయంలో నిర్వహించిన ఈ కార్యక్రమంలో ఎన్నికల సంఘం మాజీ ప్రధాన కమిషనర్​ ఎంఎస్ గిల్​ తొలి టీకా తీసుకున్నారు. సిబ్బందికి టీకా పంపిణీ పూర్తయ్యాకే ఎన్నికల సంఘం ప్రధాన కమిషనర్​ సునిల్​ అరోడా సహా ఎన్నికల కమిషనర్లు సుశీల్​ చంద్రా, రాజీవ్​ కుమార్​లు వ్యాక్సిన్​ తీసుకుంటారని ఈసీ పేర్కొంది.

ఫోటో ఓటర్​ స్లిప్​..

తమిళనాడు ఎన్నికల్లో ఫొటో ఓటర్​ పత్రం స్థానంలో ఓటర్​ సమాచారం పత్రం ప్రవేశపెట్టేందుకు ఎన్నికల కమిషన్​ నిర్ణయించింది. ఈ విషయాన్ని ఆ రాష్ట్ర ఎన్నికల ప్రధాన కార్యదర్శి సత్యబ్రత సాహూ గురువారం వెల్లడించారు. ఓటరు సమాచార పత్రంలో పోలింగ్​ కేంద్రం, తేదీ, సమయం మొదలైన వివరాలు ఉంటాయని పేర్కొన్నారు. ఓటు హక్కు ఉన్న అందరికీ ఈ పత్రాలను పంపిణీ చేస్తామని తెలిపారు.

సమావేశం..

ఎన్నికల నిర్వహణకు సంబంధించి నియమితులైన ప్రత్యేక అధికారులతో ఈసీ సమావేశమైంది. ఎన్నికలు జరగనున్న రాష్ట్రాలు, కేంద్ర పాలిత ప్రాంతాల్లో ఈ అధికారులు పర్యటించి ఏర్పాట్లను పర్యవేక్షిస్తారని ఎన్నికల కమిషన్​ వెల్లడించింది.

ఇదీ చదవండి :మిఠాయి దుకాణాల్లో బంగాల్ రాజకీయం!