టీఎంసీ, భాజపా నేతలకు ఈసీ షాక్​!

బంగాల్​ అసెంబ్లీ పోరులో ఎన్నికల నియమావళి ఉల్లంఘించిన వారిపై ఎలక్షన్ కమిషన్​ కొరడా ఝుళిపించింది. టీఎంసీ నేత సుజాత మొండల్​ ఖాన్​, భాజపా నేత సయంతన్ బసులను ఒకరోజు పాటు ఎన్నికల ప్రచారంలో పాల్గొనకుండా నిషేధం విధించింది.

బంగాల్​ ఆరో దశ ఎన్నికల ముందు అధికార టీఎంసీ, భాజపాలకు ఈసీ షాకిచ్చింది. ఎన్నికల ప్రవర్తనా నియమావళి ఉల్లంఘించినందుకు గానూ తృణమూల్​ కాంగ్రెస్​ నేత సుజాతా మొండల్​ ఖాన్​, భాజపా నేత సయంతన్​ బసులపై ఈసీ చర్యలు తీసుకుంది.

ఇరువురూ 24 గంటలపాటు ఎన్నికల ప్రచారంలో పాల్గొనకుండా నిషేధం విధించింది ఈసీ. ఆదివారం సాయంత్రం 7 గంటల నుంచే ఈ నిబంధనలు అమల్లోకి వస్తాయని స్పష్టం చేసింది.

ఎస్సీ, ఎస్టీ కమ్యూనిటీలను ఉద్దేశించి అనుచిత వ్యాఖ్యలు చేసినందుకు గానూ మొండల్​ ఖాన్​పై; కూచ్​బిహార్​ కాల్పులపై రెచ్చగొట్టే వ్యాఖ్యలు చేసినందుకు సయంతన్​ బసుపై ఈ మేరకు చర్యలు చేపట్టింది ఈసీ.

ఇదీ చదవండి:'నా భర్తకు ఓటేయొద్దు.. అతని క్యారెక్టర్ మంచిది కాదు'