ఎయిర్​పోర్ట్​లో రూ.72 కోట్ల విలువైన డ్రగ్స్​​​ సీజ్

Drugs in delhi airport: విదేశాల నుంచి భారత్​కు మాదకద్రవ్యాలను అక్రమంగా తరలిస్తున్న ఓ మహిళను విమానాశ్రయ అధికారులు పట్టుకున్నారు. ఆమె వద్ద నుంచి రూ.72.50 కోట్లు విలువ చేసే హెరాయిన్​ను స్వాధీనం చేసుకున్నారు.

Drugs in delhi airport:దిల్లీ విమానాశ్రయ అధికారులు భారీ మొత్తంలో డ్రగ్స్​ను స్వాధీనం చేసుకున్నారు. విదేశాల నుంచి భారత్​కు ఓ మహిళ అక్రమంగా తరలిస్తుండగా.. వీటిని పట్టుకున్నారు. వీటి విలువ రూ.72.50 కోట్లుగా ఉంటుందని అధికారులు అంచనా వేశారు.

Heroin in airport: అదీస్ అబాబా నుంచి దుబాయ్​ మీదుగా మహిళ.. భారత్​కు చేరుకుంది. విమానాశ్రయంలో ఆమె అనుమానాస్పదంగా కనిపించగా.. టెర్మినల్ 3 వద్ద ఆమెను కస్టమ్స్ అధికారులు పరిశీలించారు. ఆమె లగేజీ నుంచి రెండు లెదర్ ఫోల్డర్లను అధికారులు స్వాధీనం చేసుకున్నారు. అవి అధిక బరువుతో ఉండగా.. వాటిని కత్తిరించి చూడగా విస్తుపోవడం అధికారుల వంతైంది. ఆ ఫోల్డర్​లో పాలీ బ్యాగులు కనిపించాయి. అందులో డ్రగ్స్​ను అధికారులు స్వాధీనం చేసుకున్నారు.

స్క్రీనింగ్ సమయంలో నిఘా కంటికి చిక్కకుండా కార్బన్, బ్లాక్ టేప్​లతో డ్రగ్స్​ను మహిళ చుట్టిపెట్టింది. మొత్తం 6 పాలీ బ్యాగుల్లో ఉన్న డ్రగ్స్​ను హెరాయిన్​గా అధికారులు గుర్తించారు. సదరు మహిళను ఎన్​డీపీఎస్​ చట్టం కింద పోలీసులు అరెస్టు చేశారు. తదుపరి దర్యాప్తు చేపట్టారు.

ఇదీ చూడండి:'మందులు వాడకుండానే ఒమిక్రాన్​ బాధితుల రికవరీ!'

ఇదీ చూడండి:ట్యాబ్లెట్ల డోస్ పెంచి కన్నబిడ్డ 'హత్య'- శవాన్ని డ్రమ్ములో దాచి కిడ్నాప్ డ్రామా!