'డీఆర్‌డీఓలో ఉద్యోగుల కొరత.. చర్యలు అవసరం'

రక్షణ పరిశోధన అభివృద్ధి సంస్థ(డీఆర్‌డీఓ)లో ఉద్యోగుల సంఖ్య పెంచాలని రక్షణ శాఖకు పార్లమెంటరీ స్టాండింగ్​ కమిటి నివేదించింది. ప్రస్తుతం ఆమోదించిన అభివృద్ధి ప్రాజెక్టులను పూర్తి చేయటానికి ఉద్యోగుల కొరత ఉందని వెల్లడించింది.

రక్షణ పరిశోధన అభివృద్ధి సంస్థ(డీఆర్‌డీఓ)లో ఉద్యోగుల కొరత తీవ్రంగా ఉందని రక్షణ శాఖపై ఏర్పాటు చేసిన పార్లమెంటరీ స్టాండింగ్​ కమిటి నివేదించింది. ప్రస్తుతం ఆమోదించిన ప్రాజెక్టులను పూర్తి చేయటానికి మానవ వనరుల సంఖ్య పెంచాలని రక్షణశాఖకు కమిటి సూచించింది.

"డీఆర్​డీఓలో ఎక్కువ మంది శాస్త్రవేత్తలు అవసరం. పూర్తి సామర్థ్యంలో శాస్త్రవేత్తలు 30శాతం ఉంటారు. కానీ ఆమోదించిన ప్రాజెక్ట్​లకు సరిపడా శాస్త్రవేత్తలు లేరు. 7,353 మందిలో ప్రస్తుతం 7,068మంది మాత్రమే ఉన్నారు. "

-- పార్లమెంటరీ స్టాండింగ్​ కమిటి రిపోర్ట్​

డీఆర్​డీఓలో రెండు సీనియర్ పోస్టులను ఏర్పాటు చేసేందుకు కేబినెట్ కమిటి ఆన్​ సెక్యూరిటీ(సీసీఎస్​) నుంచి ఆమోదం పొందాలని ఆర్థిక శాఖ.. రక్షణశాఖకు ఇది వరకే సూచించిందని ఈ రిపోర్టు గుర్తుచేసింది.

గతేడాది ఏప్రిల్​ 24న.. డీఆర్​డీఓలో 436 పోస్టులకు భర్తీకి ప్రతిపాదన చేసినట్టు తెలిపినట్లు పార్లమెంటరీ ప్యానల్​కు రక్షణ శాఖ వెల్లడించింది. కాగా ఈ ప్రతిపాదనపై తాము సంతృప్తిగానే ఉన్నట్టు.. కానీ ఈ వ్యవహారంలో పురోగత లేకపోవడం సరికాదని రిపోర్టులో స్టాండింగ్​ కమిటీ పేర్కొంది.

'ఆత్మనిర్భర్​ భారత్ దిశగా'

భారత్​ 'ఆత్మనిర్భర్​'గా మారాలంటే.. రక్షణ పరికారల తయారీ, అభివృద్ధి, ఉత్పత్తి.. దేశంలో జరగాలని పేర్కొన్నారు డీఆర్​డీఓ ఛైర్మన్ సతీశ్​ రెడ్డి. ఐఐటీ భువనేశ్వర్​ 13వ వార్షికోత్సవ సభలో చేసిన ప్రసంగంలో ఈ వ్యాఖ్యలు చేశారు. విద్యార్థులు సాంకేతికతపై దృష్టి సారించాలన్నారు. కృత్రిమ మేధ, సైబర్​ సెక్యూరిటీ వంటి అంశాలపై పట్టు సాధించాలని సూచించారు.

ఇదీ చదవండి :ఆహార శుద్ధిలో భారతదేశ స్థానమెక్కడ?