'కరోనాతో పెను ముప్పు- జాగ్రత్తలతోనే రక్ష'

దేశంలో కరోనా కేసులు పెరుగుతోన్న నేపథ్యంలో.. జాగ్రత్తలు పాటిస్తూ ప్రజలు అప్రమత్తంగా ఉండాలని కాంగ్రెస్ సీనియర్​ నేత రాహుల్ గాంధీ సూచించారు. మహమ్మారి విషయంలో కేంద్రం అతి నమ్మకంతో వ్యవహరించిందని ఆరోపించారు.

దేశంలో కరోనా ముప్పు ఇంకా తొలగిపోలేదన్నారు కాంగ్రెస్​ సీనియర్​ నేత రాహల్​ గాంధీ. నిబంధనలు పాటించి మహమ్మారిని తరిమికొడదామని ప్రజలకు పిలుపునిచ్చారు. కరోనా విషయంలో కేంద్ర ప్రభుత్వం అతి విశ్వాసంతో వ్యవహరించిందని, నిర్లక్ష్యంతో మహమ్మారి ముప్పును అంచనా వేయలేకపోయిందని విమర్శించారు.

''ముందే హెచ్చరించినట్లు.. కరోనా ముప్పు కొనసాగుతోంది. దయచేసి అన్ని జాగ్రత్తలు పాటించండి. మాస్కులు ధరించండి.''

-రాహుల్​ గాంధీ ట్వీట్​.

నాలుగు వారాల్లోనే కరోనా కేసులు రెట్టింపు అయ్యాయని రాహుల్ తెలిపారు. ఈ మేరకు ట్విట్టర్​లో ఒక గ్రాఫ్​ను షేర్ చేశారు.

దేశంలో కొత్తగా 26,291 కరోనా కేసులు వెలుగు చూడగా.. గత 85 రోజుల్లో నమోదైన కేసుల్లో ఇవి అత్యధికం.

ఇదీ చదవండి:'సంక్షోభాన్ని ఎలా ఎదుర్కోకూడదో చూపిస్తున్న కేంద్రం'