డామినోస్ ఉద్యోగినిపై దాడి.. మహిళా గూండాలు కలిసి కర్రలతో..

DOMINO'S PIZZA GIRL ATTACK: డామినోస్ ఉద్యోగినిపై కొంతమంది మహిళలు విచక్షణారహితంగా దాడి చేశారు. కర్రలు, చేతులతో కొడుతూ హింసించారు. ఈ ఘటనపై కేసు నమోదు చేసుకున్న పోలీసులు.. నిందితులకు నోటీసులు పంపారు.

DOMINO'S PIZZA GIRL ATTACK:డామినోస్ పిజ్జా డెలివరీ ఉద్యోగినిపై కొంతమంది మహిళలు దాడి చేశారు. వీధిలోనే మహిళపై చెయ్యి చేసుకున్నారు. కర్రలతో విచక్షణారహితంగా కొట్టారు. మధ్యప్రదేశ్​లోని ఇందోర్​లో ఈ ఘటన జరిగింది. ఇందుకు సంబంధించిన వీడియో సోషల్ మీడియాలో చక్కర్లు కొడుతోంది. దాడి చేస్తున్న డామినోస్ ఉద్యోగిని గట్టిగా కేకలు పెట్టడం వీడియోలో తెలుస్తోంది. చుట్టూ ఉన్నవారు చూస్తూ ఉండిపోయారే తప్ప ఎవరూ ఆమెను కాపాడేందుకు ముందుకురాలేదు.

మహిళపై దాడి

దాడి చేసిన మహిళలు స్థానిక గ్యాంగ్​కు చెందినవారని తెలిసింది. వీడియోను నిందితులే సోషల్ మీడియాలో షేర్ చేశారు. పోలీసులకు ఫిర్యాదు ఫిర్యాదు చేస్తానని బాధితురాలు చెప్పడం వీడియోలో వినిపిస్తోంది. అయినా మహిళా గూండాలు తగ్గలేదు. పోయి పోలీసులను పిలుచుకురా అంటూ సవాల్ విసిరారు. కాసేపటికి బాధితురాలు ఓ ఇంట్లోకి వెళ్లి తనను తాను కాపాడుకునే ప్రయత్నం చేసింది.

ఘటనపై సోషల్ మీడియాలో తీవ్ర విమర్శలు వ్యక్తమయ్యాయి. ఈ నేపథ్యంలో కేసు నమోదు చేసుకున్న పోలీసులు.. దర్యాప్తు ప్రారంభించారు. అయితే, నిందితులను అరెస్టు చేయలేదు. వారికి నోటీసులు పంపినట్లు పోలీసులు తెలిపారు. జూన్ 11న ఈ ఘటన జరిగిందని చెప్పారు. బాధితురాలిని నందినీ యాదవ్​గా గుర్తించారు. ఆమె ఫిర్యాదు మేరకే పోలీసులు దర్యాప్తు చేస్తున్నారు.

ఇదీ చదవండి: