Doctors Strike: రెసిడెంట్ డాక్టర్లు 14 రోజుల తరువాత దేశవ్యాప్తంగా సమ్మెను విరమించారు. దిల్లీ పోలీస్ కమిషనర్తో సమావేశం అనంతరం ఈ నిర్ణయం తీసుకున్నారు. నిరసనలకు సంబంధించి వైద్యులపై ఎఫ్ఐఆర్ల ఉపసంహరణపై పోలీస్ అధికారి హామీ ఇచ్చిన నేపథ్యంలో.. సమ్మెను ఆపారు.
సాయంత్రం సమావేశం నిర్వహించి తదుపరి కార్యాచరణను ప్రకటిస్తామని రెసిడెంట్ డాక్టర్ల సంఘం ప్రెసిడెంట్ డా. మనీశ్ వెల్లడించారు. శుక్రవారం మధ్యాహ్నమే.. వైద్యులు విధుల్లో తిరిగి చేరినట్లు తెలిపారు.
కౌన్సెలింగ్లో జాప్యంపై..
నీట్ పీజీ కౌన్సెలింగ్ ఆలస్యంపై రెసిడెంట్ డాక్టర్లు నవంబర్ 27న నిరసనకు దిగారు. అనంతరం.. సుప్రీంకోర్టుకు ర్యాలీగా బయల్దేరారని నిర్ణయించుకున్నారు. అప్పుడే డాక్టర్లు, పోలీసుల మధ్య ఘర్షణ చెలరేగింది. దిల్లీలోని ఓ ఆస్పత్రిలో వారిపై పోలీసులు అసభ్యంగా ప్రవర్తించారని ఆరోపిస్తూ సమ్మె బాట పట్టారు. 14 రోజుల అనంతరం.. ఇప్పుడు విరమించారు.
నీట్ పీజీ కౌన్సెలింగ్ 2022 జనవరి 6లోపు ప్రారంభం అవుతుందని.. కేంద్ర ఆరోగ్య మంత్రి హామీ ఇచ్చినట్లు స్పష్టం చేశారు భారతీయ వైద్య సంఘం(ఐఎంఏ) అధ్యక్షుడు సహజానంద్ ప్రసాద్ సింగ్. వైద్యులపై ఎలాంటి ఎఫ్ఐఆర్లు ఉండబోవని పేర్కొన్నారు.
కొవిడ్ కొత్త వేరియంట్ గురించి అంతగా భయపడాల్సిన పనిలేదని, అన్ని జాగ్రత్తలు మాత్రం పాటించాలని ఆయన తెలిపారు.
ఇదీ చూడండి:Supreme Court: 'మైనారిటీ తీరేదాకా పిల్లలను పోషించే బాధ్యత తండ్రిదే'
