దిల్లీలో అగ్ని ప్రమాదం- ఇద్దరు చిన్నారులు మృతి

దిల్లీలో ఓ చెప్పుల కర్మాగారంలో అగ్ని ప్రమాదం జరిగింది. ఇద్దరు చిన్నారులు ప్రాణాలు కోల్పోయారు. అగ్ని మాపక సిబ్బంది మంటలను అదుపులోకి తెచ్చారు.

దిల్లీలోని ఓ చెప్పుల కర్మాగారంలో జరిగిన అగ్ని ప్రమాదంలో ఇద్దరు చిన్నారులు మృతి చెందారు. సాగర్​పురా ప్రాంతంలోని ఓ ఇంటి గ్రౌండ్​ ఫ్లోర్​లో చెప్పుల కర్మాగారం ఉంది. పై ఫ్లోర్​లో ఫాక్టరీ యజమాని నివాసం ఉంది. ఇద్దరు పిల్లలు మాత్రమే ఇంట్లో ఉన్నారు. ఇంటికి గేట్​ వేసి వారి తల్లి మార్కెట్​కి వెళ్లింది. ఇంతలోనే కర్మాగారంలో మంటలు చెలరేగాయి.

చిన్నారులు ఆయుష్(5), పార్శియన్(4) ఈ ప్రమాదంలో మృతిచెందారు. ఎంత ప్రయత్నించినా పిల్లల్ని కాపాడలేకపోయామని స్థానికులు చెప్పారు.

సమాచారం అందుకున్న అగ్ని మాపక సిబ్బంది మంటలను అదుపులోకి తెచ్చారు. స్థానిక ఎమ్మెల్యే ఘటన ప్రదేశానికి వచ్చి పరిశీలించారు. షార్ట్ సర్క్యూట్ వల్ల మంటలు చెలరేగాయని తెలిపారు.