భారత దేశపు తొలి 'డిజిటల్ బెగ్గర్'! Digital beggar of India బిహార్ బేతియాకు చెందిన ఓ యాచకుడు అందరి దృష్టిని ఆకర్షిస్తున్నాడు. ప్రజలు దానంగా ఇచ్చే డబ్బును ఫోన్పే ద్వారా స్వీకరిస్తూ.. భారత దేశపు మొదటి 'డిజిటల్ బెగ్గర్'గా సోషల్ మీడియాలో గుర్తింపు పొందాడు.
డిజిటల్ బెగ్గర్ రాజు పటేల్ Bihar digital beggar
రాజు పటేల్.. బిహార్ బేతియాలో ఎప్పటి నుంచో భిక్షాటన చేస్తూ జీవితం గడుపుతున్నాడు. అయితే.. ఇటీవల చాలా మంది అతడికి డబ్బులు ఇచ్చేందుకు నిరాకరిస్తున్నారు. సాయం చేయాలని బతిమలాడినా చిల్లర లేదంటూ వెళ్లిపోతున్నారు. విసిగిపోయిన రాజు పటేల్.. డిజిటల్ బాట పట్టాడు. ఈ-వాలెట్లో ఖాతా తెరిచి, మెడలో క్యూఆర్ కోడ్ ఉన్న బోర్డు వేసుకుని యాచించడం మొదలుపెట్టాడు. ఎప్పుడూ తనతోనే ఓ ట్యాబ్ కూడా పెట్టుకుని.. బ్యాంకు బ్యాలెన్స్ను చెక్ చేసుకుంటున్నాడు.
ఫోన్లో ట్యాబ్తో డిజిటల్ బెగ్గర్ క్యూఆర్ కోడ్ను స్కాన్ చేస్తూ.. Raju patel digital beggar
డిజిటల్ బెగ్గర్గా మారే ముందు రాజు పటేల్ పెద్ద కసరత్తే చేశాడు. ఖాతా కోసం బ్యాంకుకు వెళ్లాడు. వాళ్లు ఆధార్, పాన్ కార్డు తప్పనిసరిగా ఉండాలని చెప్పారు. పాన్ కార్డుకు దరఖాస్తు చేసి, అది వచ్చాక బేతియాలోని స్టేట్ బ్యాంక్లో ఖాతా తెరిచాడు. ఫోన్పేతో అనుసంధానించాడు. ఇప్పుడు రైల్వే స్టేషన్, బస్ స్టాండ్, కాళీ భాగ్ ఆలయం వద్ద తిరుగుతూ యాచిస్తున్నాడు. ఇతడి డిజిటల్ అవతారం చూసి ప్రజలు ఆశ్చర్యపోతున్నారు. చాలా మంది ఫోన్పే ద్వారా రూ.10-20 బిచ్చం వేస్తున్నారు.
క్యూఆర్ కోడ్ను స్కాన్ చేస్తూ.. డబ్బులు పంపి రాజు పటేల్కు చూపిస్తున్న వ్యక్తి లాలూ ఫ్యాన్.. ఫ్రీ పాస్
ఆర్జేడీ అధినేత లాలూ ప్రసాద్ యాదవ్ సభలు, కార్యక్రమాలు అన్నింటికీ హాజరయ్యేవాడు రాజు పటేల్. ఒకసారి లాలూను నేరుగా కలిసి, తన బాధలు చెప్పుకున్నాడు. 2005లో రైల్వే మంత్రిగా ఉన్న లాలూ.. రాజుకు ఫుడ్ పాస్ ఇప్పించారు. అది చూపిస్తే సప్తక్రాంతి సూపర్ఫాస్ట్ ఎక్స్ప్రెస్లో ఉచితంగా భోజనం పెట్టేవారు. అలా రోజూ కడుపు నింపుకునేవాడు రాజు. కానీ.. రైల్వే మంత్రి మారాక ఆ పాస్ రద్దయిపోయింది. చివరకు రాజు ఇలా డిజిటల్ బెగ్గర్ అవతారం ఎత్తాడు.
ఇదీ చదవండి:జన్ధన్ ఖాతాలోకి రూ.15లక్షలు.. మోదీ ఇచ్చారనుకుని ఇల్లు నిర్మాణం.. కానీ...
