హోలీకి కామెడీ కిక్​.. రతీమన్మథులను నవ్విస్తే అదిరే ప్రైజ్​!

Different Holi Celebration In Karnataka: హోలీ సందర్భంగా కర్ణాటకలోని హవేరీ జిల్లాలో భిన్నమైన వేడుకలు నిర్వహిస్తారు. లివింగ్ రతీమన్మథ నవ్వుల పోటీలు జరుగుతాయి. రతీమన్మథ జంటగా నటించేవారిని నవ్వించాలని ప్రజలకు సవాల్ విసురుతారు. ఈ రకమైన పోటీలను మనమూ చూసొద్దాం పదండి..

Different Holi Celebration In Karnataka: హోలీ పండుగ సందర్భంగా రతీమన్మథుల వేషధారణలు సందడి చేస్తాయి. అయితే.. రతీమన్మథులను కొన్నిచొట్ల చెక్కతో చేస్తే, మరికొన్ని చోట్ల వస్త్రం లేదా వరి గడ్డితో తయారు చేస్తారు. కర్ణాటకలోని హవేరీ జిల్లాలో మాత్రం కొన్నేళ్లుగా భిన్నమైన హోలీ వేడుకలు జరుగుతున్నాయి. లివింగ్​ రతి-మన్మథులతో వేడుక నిర్వహిస్తారు. వారిని నవ్వించాలని ప్రజలకు సవాల్ విసురుతారు.

లివింగ్ రతి-మన్మథ నవ్వుల పోటీ

ఎవరైనా ఇద్దరిని ఎంపిక చేసి రతీమన్మథులుగా అలంకరిస్తారు. వేదికపై ఒకే దగ్గర కూర్చోబెడతారు. రతి-మన్మథ జంటను నవ్వించే వారికి కొంత బహుమానం కూడా ఇస్తారు. ఎవరైనా ముందుకు వచ్చి ఆ జంటను నవ్వించవచ్చు. ఇందుకోసం సినిమా డైలాగ్‌లు, మిమిక్రీ, పాట‌లు.. ఇలా ఏదైనా చేయవచ్చు. గత 10 ఏళ్లుగా ఈ రకమైన కామ-రతుల వేడుక జిల్లాలోని రాంబెనూరు నగరంలోని అనేక ప్రాంతాల్లో నిర్వహించారు.

పోటీలో రతి-మన్మథ జంటను నవ్వించే ప్రయత్నం చేస్తున్న వ్యక్తి

గత పదేళ్లుగా.. సిమికేరి గూరన్న, బెంగళూరుకు చెందిన థర్డ్ జెండర్ తనుశ్రీ రతీమన్మథుల పాత్రలు పోషిస్తున్నారు. విచిత్రమేమిటంటే.. ఇప్పటివరకు ఏ పోటీలోనూ వారిని ఎవ్వరూ నవ్వించలేకపోయారు. ఎంతో మంది పోటీలో పాల్గొని ఓడిపోయారు. పోటీలో ఈ లివింగ్​ రతి-మన్మథ జంట నిశ్చలంగా కూర్చుంటుంది.

ఇదీ చదవండి:జాలీగా హోలీ.. రంగులు చల్లుకొని ప్రముఖుల సంబరాలు