ప్రముఖ విమానయాన సంస్థ స్పైస్జెట్కు ఎదురుదెబ్బ తగిలింది. ఇక నుంచి ఎనిమిది వారాల పాటు ఆమోదం పొందిన విమానాల్లో 50 శాతం ఫ్లైట్లనే నడపాలని విమానయాన నియంత్రణ సంస్థ డీజీసీఏ ఆదేశించింది. స్పైస్జెట్ విమానాల్లో ఈ మధ్య తరచూ ఏదొక సాంకేతిక లోపం బయటపడుతుండటమే అందుకు కారణం.
'ఇకపై 50% ఫ్లైట్లనే నడపాలి'.. స్పైస్జెట్కు డీజీసీఏ షాక్
ఇకపై 8 వారాల పాటు స్పైట్జెట్ సంస్థ 50 శాతం విమానాలనే నడపాలని డీజీసీఏ ఆదేశించింది. ఇటీవల తరచూ స్పైస్జెట్ విమానాల్లో సాంకేతిక లోపాలు తలెత్తిన నేపథ్యంలో వాటిని సమీక్షించేందుకు ఈ నిర్ణయం తీసుకుంది.
spice jet
అంతకుముందు ఈనెల 6న డీజీసీఏ స్పైస్జెట్కు షోకాజ్ నోటీసులు జారీ చేసింది. జూన్ 19 నుంచి ఎనిమిది సందర్భాల్లో ఆ సంస్థకు చెందిన విమానాల్లో సాంకేతిక లోపాలు తలెత్తాయి. దీనిపై ఆగ్రహం వ్యక్తం చేసిన డీజీసీఏ స్పైస్జెట్పై చర్యలు చేపట్టింది. "సాంకేతిక సమస్యలను గుర్తించడం, తనిఖీలు, సేఫ్టీ మొదలైన అంశాలను పరిగణనలోకి తీసుకుని మరో 8 వారాల పాటు స్పైస్జెట్ కేవలం 50 శాతం విమానాలనే నడిపించాలని ఆదేశాలు జారీ చేశాం" అని డీజీసీఏ బుధవారం ఓ ప్రకటనలో పేర్కొంది.
ఇదీ చూడండి :మరో ఎంపీ సస్పెన్షన్.. పార్లమెంటులో ఆగని వాయిదాల పర్వం