భారీగా డిటోనేటర్లు, పేలుడు పదార్థాలు స్వాధీనం

అసోం రైఫిల్స్(ఏఆర్​) అధికారులు.. అక్రమంగా తరలిస్తున్న డిటోనేటర్లు, పేలుడు పదార్థాలను స్వాధీనం చేసుకున్నారు. దీనికి సంబంధించి ఓ వ్యక్తిని అదుపులోకి తీసుకున్నారు. ఈ ఘటన మిజోరాంలోని సెర్చిప్​ జిల్లాలో జరిగింది.

మిజోరాంలోని సెర్చిప్ జిల్లాలో భారీగా డిటోనేటర్లు, పేలుడు పదార్థాలు పట్టుబడ్డాయి. ముందస్తు సమాచారం ప్రకారం తనిఖీలు నిర్వహించారు అధికారులు. ఫర్కావన్​ జంక్షన్​ వద్ద నిర్వహించిన తనిఖీల్లో ఓ వ్యక్తి అక్రమంగా తరలిస్తున్న 3వేల డిటోనేటర్లు, 925 ఎలక్ట్రిక్ డిటోనేటర్లు, 2వేల మీటర్ల ఫ్యూజ్​ వైర్​, 1.304 టన్నుల పేలుడు పదార్థాలను స్వాధీనం చేసుకున్నారు.

అధికారులు స్వాధీనం చేసుకున్న డిటోనేటర్లు, పేలుడు పదార్థాలు

భారీగా తరలిస్తున్న డిటేనటర్లు, పేలుడు పదార్థాలు

జప్తు చేసిన సామాగ్రిని దంగ్​తలాంగ్ పోలీస్ స్టేషన్​కు తరలించామని అసోం రైఫిల్స్(ఏఆర్​) అధికారి తెలిపారు. ఈ ఘటనపై ఎఫ్ఐఆర్ నమోదైందన్నారు.

ఇదీ చదవండి :కులాంతర వివాహం చేసుకుందని గుండు కొట్టారు!