ఎర్రకోటలో విధ్వంసానికి సాక్ష్యాలివి...

వ్యవసాయ చట్టాలను నిరసిస్తూ.. అన్నదాతలు చేపట్టిన గణతంత్ర పరేడ్​ హింసాత్మకంగా మారిన దృశ్యాలు వెలుగుచూశాయి. పలు వాహనాలు ధ్వంసం కాగా.. అక్కడి సామగ్రి​, ఇతర సామాన్లు చెల్లాచెదురయ్యాయి.

కొత్త సాగు చట్టాలను వ్యతిరేకిస్తూ.. గణతంత్ర దినోత్సవం రోజున రైతన్నలు చేపట్టిన పరేడ్​తో దిల్లీ దద్దరిల్లింది. తీవ్ర హింసాత్మకంగా మారిన ఈ ఘటనలో.. భారీ ర్యాలీ చేపట్టిన నిరసనకారుల బృందం ఎర్రకోట ఎక్కి రైతన్నల జెండాను ఎగురవేశారు.

బోల్తాపడ్డ వాహనాలు

ధ్వంసమైన వాహనాలు, సామగ్రి

ఈ ట్రాక్టర్​ ర్యాలీలో ఎర్రకోట ప్రాంతం చెల్లాచెదురైంది. అక్కడి వాహనాలు ధ్వంసమవడం సహా.. మరికొన్ని వాహనాలు బోల్తా పడ్డాయి. అక్కడి టికెట్​ కౌంటర్​పై దాడిచేయడం వల్ల.. అందులోని దస్త్రాలు, ఇతర కాగితాలు చిందరవందరగా పడిఉన్నాయి. సమీపంలోని మెడికల్​ డిటెక్టర్​ గేట్​ వద్ద గాజు ముక్కలు, పోలీసుల టోపీలు కనిపిస్తున్నాయి.

ధ్వంసమైన ఫర్నీచర్

చెల్లాచెదురైన సామగ్రి, పోలీసుల టోపీలు

ఘటన అనంతరం.. సంఘటనా స్థలాన్ని సందర్శించారు కేంద్రపర్యటక శాఖ మంత్రి ప్రహ్లాద్​ పటేల్​. ఈ దాడుల్ని తీవ్రంగా ఖండించిన ఆయన.. జరిగిన నష్టంపై నివేదిక కోరారు. అధికారులను వివరణ అడిగారు.

కేంద్రమంత్రి ప్రహ్లాద్​ పటేల్​

ఇదీ చదవండి:ఎర్రకోట ఘటనపై రంగంలోకి ఎన్​ఐఏ!