జైపుర్ గోల్డెన్ ఆస్పత్రికి ఆక్సిజన్ ట్యాంకర్

దిల్లీలోని జైపుర్ గోల్డెన్ ఆస్పత్రికి ఓ ఆక్సిజన్ ట్యాంకర్ చేరుకుంది. ప్రాణాపాయ స్థితిలో ఉన్న సుమారు 200 మంది కరోనా రోగులకు అత్యవసరంగా ఆక్సిజన్ అవసరమైన నేపథ్యంలో ఈ మేరకు కేంద్రం చర్యలు చేపట్టింది.

దిల్లీలోని జైపుర్ గోల్డెన్ ఆస్పత్రికి ఓ ఆక్సిజన్ ట్యాంకర్​ సకాలంలో చేరుకుంది. శుక్రవారం రాత్రి ప్రాణవాయువు కొరతతో తీవ్ర అనారోగ్యంతో ఉన్న 25 మంది రోగులు ప్రాణాలు కోల్పోయారు. ఇక్కడ చికిత్స పొందుతున్న 200 మంది కరోనా రోగుల్లో 80 శాతం మంది ఆక్సిజన్​పైనే ఆధారపడి ఉన్నారు. మరో 35 మంది ఐసీయూలో ఉన్నారు.

ఆస్పత్రి వద్ద ఆక్సిజన్ ట్యాంకర్​

ఈ నేపథ్యంలో వారి ప్రాణాలకూ ముప్పు పొంచి ఉండటం వల్ల.. కేంద్రం అప్రమత్తమై ఆక్సిజన్ ట్యాంకర్​ను తరలించింది.

ఇదీ చూడండి:ఆక్సిజన్ లీకేజీ ఘటన​- సీసీటీవీ దృశ్యాలు​ వైరల్​