పేలిన గ్యాస్​ సిలిండర్​- ఏడుగురికి తీవ్ర గాయాలు

ఓ గ్యాస్​ సిలిండర్​ దుకాణంలో భారీ అగ్ని ప్రమాదం సంభవించింది. ఈ ఘటనలో ఐదుగురు అగ్నిమాపక సిబ్బంది సహా ఏడుగురు తీవ్రంగా గాయపడ్డారు. దిల్లీలో ఈ ఘటన జరిగింది. మరోవైపు.. ఓ ఇంట్లో జరిగిన అగ్ని ప్రమాదంలో ఒకరు మరణించారు.

దిల్లీ జఫ్రాబాద్‌లోని ఓ గ్యాస్‌ సిలిండర్ల దుకాణంలో శుక్రవారం రాత్రి భారీ అగ్ని ప్రమాదం సంభవించింది. గ్యాస్​ సిలిండర్​ పేలుడు కారణంగా మంటలు భారీగా చెలరేగాయి. ఈ ప్రమాదంలో ఏడుగురికి తీవ్రగాయాలయ్యాయి.

భారీగా ఎగసిపడుతున్న మంటలు

గ్యాస్ సిలిండర్ దుకాణంలో అగ్ని ప్రమాదం

క్షతగాత్రులను ఆస్పత్రికి తరలించినట్లు దిల్లీ అగ్నిమాపక శాఖ అధికారులు తెలిపారు. గాయపడిన వారిలో ఐదుగురు అగ్నిమాపక సిబ్బంది కూడా ఉన్నట్లు చెప్పారు.

అగ్ని ప్రమాదంలో ఒకరు మృతి

మరోవైపు.. దిల్లీ జహంగిర్​​పురిలోని తోమర్ కాలనీలో ఓ ఇంట్లో అగ్ని ప్రమాదం సంభవించింది. ఈ ఘటనలో ఓ వ్యక్తి ప్రాణాలు కోల్పోయాడు. శుక్రవారం రాత్రి 9 గంటలకు ఈ ప్రమాదం జరిగింది.

ప్రమాద సమచారం తెలిసిన వెంటనే.. అగ్నిమాపక శాఖ సిబ్బంది.. ఘటనాస్థలికి చేరుకున్నారు. మూడు యంత్రాలతో మంటలను అదుపులోకి తెచ్చారు.

ఇదీ చూడండి:విషాదం.. టపాసులు పేలి తండ్రీకొడుకులు మృతి