భార్యా పిల్లల్ని చంపి బ్యాంకు ఉద్యోగి ఆత్మహత్య.. అప్పుల వల్లే..

Bank Employee suicide: ఓవైపు అప్పుల బెడద.. మరోవైపు ఇంటి ఇల్లాలితో గొడవ.. ఈ సమస్యలతో కొట్టుమిట్టాడలేక తనువు చాలించాడు ఓ బ్యాంకు ఉద్యోగి. చనిపోయే ముందు భార్య, పిల్లలను హత్య చేశాడు. తమిళనాడులో జరిగింది ఈ ఘటన.

Bank Employee suicide: అప్పుల బాధతో ఓ బ్యాంకు ఉద్యోగి తన భార్య పిల్లలను హత్య చేసి ఆత్మహత్యకు పాల్పడ్డాడు. తమిళనాడులో ఈ ఘటన జరిగింది.

Bank employee killed wife

చెన్నై దగ్గర పెరుంగుడి ప్రాంతంలోని ఓ అపార్ట్​మెంట్​లో మణికందన్.. తన భార్య తారా(35), ఇద్దరు కుమారుల(తరణ్(10), దహన్(1))తో కలిసి నివసిస్తున్నాడు. పొరూర్​లోని ఓ బ్యాంకులో ఉద్యోగం చేస్తున్న మణికందన్​కు.. చాలా అప్పులు ఉన్నాయని స్థానికులు చెప్పారు. రెండు నెలలుగా ఉద్యోగానికి కూడా వెళ్లడం లేదని తెలిపారు. దీంతో ఇంట్లో భార్యా, భర్తల మధ్య తరచూ గొడవలు జరిగేవని, డిసెంబర్ 31న దంపతుల మధ్య ఘర్షణ తారస్థాయికి చేరిందని వివరించారు. ఆ కోపంలో భార్యను, ఇద్దరు కొడుకులను చంపి.. మనికందన్ ఆత్మహత్య చేసుకున్నాడని చెప్పారు.

మణికందన్ కుటుంబం

ఘటనపై సమాచారం అందుకున్న తొరైపక్కమ్ పోలీసులు ఘటనా స్థలి నుంచి నాలుగు మృతదేహాలను స్వాధీనం చేసుకున్నారు. పోస్టు మార్టం కోసం మృతదేహాలను రోయపెట్ట ప్రభుత్వ ఆస్పత్రికి తరలించారు. ఈ ఘటనపై కేసు నమోదు చేసుకొని దర్యాప్తు చేపట్టారు.

అప్పుల సమస్యల వల్లే ఇంట్లో తగాదాలు జరిగేవని పోలీసులు నిర్ధరించారు. మణికందన్ ఆన్​లైన్ గేమ్​లు ఆడి చాలా డబ్బులు పోగొట్టుకున్నాడని తెలిపారు.

ఇదీ చదవండి:60 మేకలు, వందల కిలోల రైస్​తో అదిరే విందు- మహిళలకు నో ఎంట్రీ!