గుజరాత్ మెహ్సానా జిల్లాలో దారుణం జరిగింది. సైకిల్ మీద వెళ్తున్న ఏడేళ్ల బాలిక అదుపు తప్పి డ్రైనేజీలో పడిపోయింది. సమాచారం అందుకొని వెంటనే రెస్క్యూ ఆపరేషన్ ప్రారంభించిన మున్సిపల్ అధికారులు.. రెండు గంటల తర్వాత బాలిక ఆచూకీ కనుగొన్నారు. బాలికను బయటకు తీసి హుటాహుటిన విస్నగర్ సివిల్ ఆసుపత్రికి తరలించారు. అయినా ఎటువంటి ఫలితం లేకపోయింది. చికిత్స పొందుతూ బాధితురాలు చనిపోయింది. ఈ ఘటన విస్నగర్లోని శుకాన్ హోటల్ సమీపంలో శుక్రవారం జరిగింది.
మున్సిపల్ సిబ్బంది శక్తివంచన లేకుండా పనిచేసినప్పటికీ బాలికను కాపాడలేకపోయారు. ఈ రెస్క్యూ ఆపరేషన్లో మూడు జేసీబీలను ఉపయోగించారు. రోడ్లను సైతం తవ్వి నీటిని దారి మళ్లించారు. అప్పటికే ఘటనా స్థలంలో స్థానికులు గుమిగూడారు. మెహ్సానా జిల్లాలో కొన్ని రోజులుగా ఎడతెరపి లేకుండా భారీ వర్షాలు కురుస్తున్నాయి. వరదల ధాటికి రోడ్లు జలమయమయయ్యాయి.