సోషల్​ మీడియాలో కొత్త స్టార్.. 'సిలిండర్​ మ్యాన్​'

సోషల్​ మీడియా వల్ల గుర్తుతెలియని వ్యక్తులు ఎందరో కొన్ని గంటల వ్యవధిలో స్టార్లు​ అయిపోతున్నారు. ఇప్పుడు ఈ జాబితాలోకి కొత్తగా సిలిండర్​ మ్యాన్​ వచ్చి చేరాడు. ఇతని ఫిట్​నెస్​కు నెటిజన్లు ఫిదా అవుతున్నారు. ఇంతకీ ఎవరీ సిలిండర్​ మ్యాన్​?

కాస్త ప్రత్యేకంగా కనిపిస్తే చాలు సోషల్​ మీడియా ఏ వ్యక్తినైనా పాపులర్​ చేసేస్తుంది. నెటిజన్లు వారి ఫొటోలు, వీడియోలు షేర్​ చేసి స్టార్లుగా మారుస్తారు. ఇలా ఎంతోమంది ఓవర్​నైట్​ స్టార్లుగా మారి గొప్ప ఫాలోయింగ్​ను పొందిన వారు ఉన్నారు. ఇప్పుడు మహారాష్ట్రలోని అంబర్​నాథ్​కు చెందిన ఓ వ్యక్తిని 'సిలిండర్​ మ్యాన్​' అంటూ సెలబ్రిటీని చేసింది సోషల్​ మీడియా.

అంబర్​నాథ్​లోని లక్ష్మీనగర్​కు చెందిన సాగర్​ జాదవ్​.. గత 12 ఏళ్లగా భారత్​ గ్యాస్ సంస్థకు సిలిండర్​ డెలివరీ ఏజెంట్​గా పనిచేస్తున్నాడు. సునాయాసంగా సిలిండర్లు మోస్తూ ఇళ్లకు డెలివరీలు చేసేవాడు. అతని ఫిట్​నెస్​కు ఆశ్చర్యపోయిన తుషార్​ భామ్రే అనే వ్యక్తి సాగర్​ చిత్రాలను తీసి ఫేస్​బుక్​లో షేర్​ చేశాడు. అవి కాస్తా వైరలయ్యాయి. సాగర్​ ఫిట్​నెస్​, శరీరాకృతికి నెటిజెన్లు ఫిదా అయ్యారు. సిలిండర్​ మ్యాన్​ అని పేరు పెట్టి అతడి ఫొటోలను తెగ షేర్​ చేశారు.

ఈ సిలిండర్​ మ్యాన్​.. ఐఏఎస్​ అధికారి తుకారామ్​ ముంథే, నటుడు కుశాల్​ భాద్రికే నుంచి ప్రశంసలు కూడా అందుకున్నాడు.

తన చిత్రాలు వైరల్​ కావడంపై సాగర్​ జాదవ్​ స్పందించాడు. కొద్ది సంవత్సరాల క్రితం సిలిండర్లు మోయడానికి ఇబ్బంది పడేవాడినని, శరీరాన్ని ధృడంగా మార్చుకునేందుకు జిమ్​కు వెళ్లడం ప్రారంభించానని తెలిపాడు. పాపులారటీ సంపాదించుకున్న జాదవ్​.. తనకు అవకాశం వస్తే నటించేందుకు కూడా సిద్ధమని అన్నాడు. సినిమా లేదా సీరియల్స్​లోకి ఎంట్రీ ఇస్తారా అనే ప్రశ్నపై ఈ విధంగా స్పందించాడు.

ఇదీ చూడండి :viral video: పులి వేటాడటం ఎప్పుడైనా చూశారా?