గుజరాత్​లో తీరం దాటిన 'తౌక్టే' తుపాను

तौक्ते अभी उत्तर दिशा की तरफ बढ रहा है. ये चक्रवात मुंबई से 142 किमी और दिव से 182 किमी अंतर पर है.

02:02 May 18

అధికారులతో సమావేశమైన సీఎం

తౌక్టే తుపాను ప్రభావం దృష్ట్యా.. గుజరాత్ ముఖ్యమంత్రి విజయ్ రూపాని వల్సాద్, గిర్ సోమ్​నాథ్ తీర ప్రాంత జిల్లాల అధికారులతో సమావేశమం అయ్యారు. 

01:35 May 18

తీరం దాటిన 'తౌక్టే'

తౌక్టే తుపాను గుజరాత్​లో తీరం దాటింది. అతి తీవ్ర తుపాను తీవ్రత స్వల్పంగా తగ్గింది. 

20:58 May 17

తీరాన్ని తాకిన తుపాను..

అరేబియా తీర రాష్ట్రాలను హడలెత్తించిన తౌక్టే తుపాను ఎట్టకేలకు తీరాన్ని తాకింది. గుజరాత్‌లోని పోరుబందర్‌- మహువా మధ్య ప్రాంతంలో తీరాన్ని తాకి తీవ్ర తుపానుగా మారిందని వాతావరణ శాఖ తెలిపింది. ఇది మరో 2 గంటల అనంతరం బలహీనపడే అవకాశముందని పేర్కొంది. తుపాను కారణంగా 185 కి.మీ. వేగంతో ఈదురుగాలులు వీస్తున్నాయి. 

గుజరాత్​లోని 4 జిల్లాల్లో భారీ వర్షాలు పడే సూచనలున్నాయి. ఇప్పటికే తుపాను ప్రభావంతో తీర ప్రాంతాల్లో బలమైన ఈదురుగాలులు, భారీ వర్షాలు కురుస్తున్నాయి. 

గుజరాత్‌లో ఇప్పటికే లక్షన్నర మంది సురక్షిత ప్రాంతాలకు తరలించారు. గుజరాత్‌లో 44 ఎన్‌డీఆర్‌ఎఫ్‌, ఎస్‌డీఆర్‌ఎఫ్‌ బృందాలను మోహరించారు. 

18:44 May 17

కొంకణ్​లో ఆరుకు చేరిన మృతులు..

మహారాష్ట్ర కొంకణ్​పై తౌక్టే ప్రతాపం చూపుతోంది. పడవ మునక సహా వేర్వేరు ఘటనల్లో మొత్తం ఆరుగురు చనిపోయినట్లు అధికారులు తెలిపారు. 

18:39 May 17

ఎగసిపడుతున్న అలలు..

ముంబయి జుహూ బీచ్​లో అలలు ఎగసిపడుతున్నాయి. తౌక్టే తీవ్రంగా ప్రభావితం చూపుతున్న రాష్ట్రాల్లో మహారాష్ట్ర ఒకటి.

18:38 May 17

ముంబయి విమానాశ్రయం మూసివేత..

తుపాను ప్రభావంతో రాత్రి 8 వరకు ముంబయి ఎయిర్‌పోర్టు మూసివేస్తున్నట్లు అధికారులు ప్రకటించారు. 

17:03 May 17

సీఎంలతో మాట్లాడిన మోదీ..

తౌక్టే తుపాను ప్రభావిత రాష్ట్రాలు గుజరాత్​, గోవా ముఖ్యమంత్రులు, దమన్​ దీవ్​ లెఫ్టినెంట్​ గవర్నర్​లతో మాట్లాడారు ప్రధాని నరేంద్ర మోదీ. తౌక్టే తుపాను సన్నద్ధత, సహాయక చర్యలపై అడిగి తెలుసుకున్నారు.

15:30 May 17

410 మంది గల్లంతు..

తౌక్టే తుపాను బీభత్సం సృష్టిస్తోంది. మహారాష్ట్ర ముంబయిలో ప్రభావం ఎక్కవగా ఉంది. తౌక్టే ధాటికి ముంబయి తీరప్రాంతంలో రెండు పడవలు కొట్టుకుపోయాయి. అందులో మొత్తం 410 మంది ఉన్నట్లు సమాచారం.

ఐఎన్​ఎస్​ కొచ్చి యుద్ధనౌక సాయంతో పీ305 నౌక కోసం గాలింపు చర్యలు ముమ్మరం చేసింది నౌకాదళం. 

మరొక నౌకలో 137 మంది ఉన్నట్లు తెలిసింది. ఈ జీఏఎల్​ కన్​స్ట్రక్టర్ నౌక కోసం.. ఎఎన్​ఎస్​ కోల్​కతా యుద్ధనౌక రంగంలోకి దిగింది. 

తౌక్టే ప్రభావంతో.. ముంబయిలో పలు చోట్ల భారీ వర్షాలు పడుతున్నాయి. ​ 

15:25 May 17

సీఎంతో మాట్లాడిన మోదీ..

తౌక్టే తుపాను నేపథ్యంలో ముంబయిలో భారీగా ఈదురుగాలులు వీస్తున్నాయి. తౌక్టే విషయమై.. మహారాష్ట్ర ముఖ్యమంత్రి ఉద్ధవ్​ ఠాక్రేతో మాట్లాడారు ప్రధాన మంత్రి నరేంద్ర మోదీ. రాష్ట్రంలో పరిస్థితులపై ఆరా తీశారు. 

15:25 May 17

కొట్టుకుపోయిన నౌక..

• తౌక్టే ధాటికి ముంబయి తీరంలో కొట్టుకుపోయిన వ్యాపార నౌక
• కొట్టుకుపోయిన వ్యాపార నౌకలో 273 మంది సిబ్బంది
• నౌకలోని సిబ్బందిని కాపాడేందుకు రంగంలోకి నౌకాదళం
• ఐఎన్‌ఎస్‌ కొచ్చి యుద్ధ నౌక సాయంతో గాలింపు చర్యలు

15:17 May 17

గుజరాత్​లో తీరం దాటిన 'తౌక్టే' తుపాను

అరేబియా సముద్రంలో ఏర్పడిన తౌక్టే తుపాన్‌.. అతి తీవ్ర తుపాన్‌గా మారింది. పశ్చిమ వాయవ్య దిశగా గంటకు 20 కిలోమీటర్ల వేగంతో పయనిస్తోంది. ఈ రాత్రికి గుజరాత్‌లోని పోరుబందర్‌ -మహువా మధ్య ప్రాంతంలో తీరం దాటనుందని వాతావరణ విభాగం తెలిపింది. బలమైన ఈదురుగాలులు, భారీ వర్షాలతో.. తీర ప్రాంతాలను హడలెత్తిస్తోంది.