షహీన్​ తుపాను బీభత్సం- మహానగరం అతలాకుతలం!

షహీన్​ తుపాను(cyclone shaheen news) కారణంగా భారీ వర్షాలు, వరదలతో కర్ణాటకలోని బెంగళూరు నగరం అతలాకుతలమైంది. లోతట్టు ప్రాంతాలు జలమయమయ్యాయి. పలు ప్రాంతాల్లో ట్రాఫిక్​ జామ్​ ఏర్పడి వాహనదారులు ఇబ్బందులు పడ్డారు.

షహీన్​ తుపాను(cyclone shaheen news) బీభత్సం సృష్టిస్తోంది. తుపాను కారణంగా కర్ణాటకలో భారీ వర్షాలు(Heavy rains in Karnataka) కురుస్తున్నాయి. ఆదివారం మధ్యాహ్నం నుంచి బెంగళూరు సహా పలు ప్రాంతాల్లో పిడుగులతో కూడిన వర్షాలు పడుతున్నాయి. లోతట్టు ప్రాంతాలు జలమయమయ్యాయి(Floods in Bengaluru). ఇళ్లల్లోకి వరద నీరు చేరి ప్రజలు ఇబ్బందులు పడుతున్నారు.

ఓ ఇంట్లోకి చేరిన వరద నీరు

వరదలో ధ్వంసమైన వాహనాలు

బెంగళూరులో భారీ వృక్షాలు నెలకొరిగి ట్రాఫిక్​కు అంతరాయం ఏర్పడింది. నగరంలోని తుముకూర్​ రోడ్​, మైసూర్​ రోడ్​, బళ్లారి రోడ్​, మెజెస్టిక్​, ఛామరాజపేట్​, బసవన్నగుడి, యశ్వంతపుర్​, రాజరాజేశ్వరీ నగర్​, మహదేవపుర, హెబ్బల్​ ప్రాంతాల్లో ట్రాఫిక్​ జామ్​ అయ్యి.. వాహనదారులు ఇబ్బందులు ఎదుర్కొన్నారు.

రహదారిలో పేరుకుపోయిన మట్టి

నాలాల్లో పేరుకుపోయిన మట్టిన తొలగిస్తున్న సిబ్బంది

కేఆర్​ పురా, మహదేవపుర, హోస్కెట్​, రాజరాజేశ్వరీ నగర్​లో 90-98 మిల్లీమీటర్ల మేర వర్షపాతం(Heavy rains) నమోదైంది. అక్టోబర్​ 6 వరకు బెంగళూరుపై షహీన్​ ప్రభావం ఉంటుందని వాతావరణ శాఖ హెచ్చరించింది.

13 జంతువులు మృతి..

బీబీఎంపీ వరద నీటికోసం ఏర్పాటు చేసిన కాలువ ఉప్పొంగి.. రాజరాజేశ్వర నగర్​ శివారులోని పశువుల పాకలోకి నీరు చేరింది. వరద ఉద్ధృతికి ఇందులోని జంతువులు కొట్టుకుపోయాయి. సుమారు 13( 5 పిల్లులు, ఆరు మేకలు, ఎద్దు, గేదె) మరణించాయి.

వరదలో కొట్టుకుపోయి మృతి చెందిన లేగదూడ

వరదల కారణంగా మృతి చెందిన ఎద్దు

ఇదీ చూడండి:వైరల్: నదిలో కొట్టుకుపోయిన బొలెరో