'టీకా పొందిన రెండు వారాలకు యాంటీబాడీలు వృద్ధి'

కరోనా టీకా రెండో డోసు తీసుకున్న రెండో వారానికి శరీరంలో యాంటీబాడీల వృద్ధి చెందుతాయని వెల్లడించారు ఎయిమ్స్​ డైరక్టర్​ రణదీప్​ గులేరియా. టీకా తీసుకోవడం స్వచ్చందమై అయినప్పటికీ.. అందరు వ్యాక్సిన్​ పొందితే మంచిదన్నారు.

కరోనా టీకా పొందడం స్వచ్ఛందమని.. అయితే శరీరంలో రోగ నిరోధక శక్తిని పెంపొందించడం కోసం యాంటీబాడీలు వృద్ధిచెందాలంటే కచ్చితంగా రెండు డోసులు తీసుకోవాలని వెల్లడించారు ఎయిమ్స్​ డైరక్టర్​ డా. రణదీప్​ గులేరియా వెల్లడించారు. రెండో డోసు తీసుకున్న 2వారాలకు యాంటీబాడీలు వృద్ధి చెందుతాయని పేర్కొన్నారు.

ప్రపంచ దేశాల్లో అభివృద్ధి చేసిన టీకాలకు దీటుగా భారత్​లో వినియోగించనున్న వ్యాక్సిన్లు ఉండనున్నాయని అభిప్రాయపడ్డారు గులేరియా. వ్యాక్సినేషన్​ డ్రైవ్​పై ప్రశ్నోత్తరాల కోసం రూపొందించిన వీడియోలో ఈ వ్యాఖ్యలు చేశారు. ఈ వీడియోను కేంద్ర ఆరోగ్యశాఖ వెబ్​సైట్​లో పోస్ట్​ చేశారు.

వైరస్​ సోకినా, సోకకపోయినా.. టీకా డోసులను షెడ్యూల్​ ప్రకారం తీసుకుంటే మంచిదని సూచించారు గులేరియా. దీని వల్ల శరీరంలో రోగనిరోధక శక్తి మెరుగుపడుతుందన్నారు.

యాక్టివ్​, సింప్టొమాటింక్​ కొవిడ్​-19 రోగులు టీకా తీసుకోవడాన్ని 14రోజులకు వాయిదా వేసుకోవాలని అభిప్రాయపడ్డారు. ఒంట్లో ఇన్ఫెక్షన్​ ఉన్నప్పుడు టీకా కేంద్రానికి వెళితో ఇతరులకు వైరస్​ సోకే ప్రమాదం ఉండటమే ఇందుకు కారణమన్నారు.

ఇదీ చూడండి:-దేశంలో కొత్తగా 18,088 కరోనా కేసులు..264 మరణాలు