'దిల్లీలో పరిస్థితులు మరింత ఆందోళనకరం'

దిల్లీలో ప్రస్తుతం పరిస్థితులు మరింత ఆందోళనకరంగా ఉన్నాయని ముఖ్యమంత్రి అరవింద్​ కేజ్రీవాల్​ తెలిపారు. ఆక్సిజన్​తో పాటు కరోనా చికిత్సలో ఉపయోగించే.. రెమెడెసివర్​, తోసిలిజుమాబ్​ ఔషధాల కొరత ఉందని చెప్పారు.

కరోనా వ్యాప్తి నేపథ్యంలో దిల్లీలో పరిస్థితులు ఆందోళనకరంగా మారాయని ముఖ్యమంత్రి అరవింద్​ కేజ్రీవాల్ శనివారం తెలిపారు. ఆక్సిజన్​తో పాటుగా రెమ్​డెసివిర్​, తోసిలిజుమాబ్ ఔషధాల కొరత ఉందని చెప్పారు. ఈ అంశంపై తాను కేంద్ర ఆరోగ్య శాఖ మంత్రి హర్షవర్ధన్​తో మాట్లాడానని పేర్కొన్నారు.

"దిల్లీలో కరోనా పరిస్థితుల గురించి కేంద్ర ఆరోగ్య శాఖ మంత్రి హర్షవర్ధన్​తో మాట్లాడాను. ఆక్సిజన్​ సహా రెమ్​డెసివర్​, తోసిలిజుమాబ్ ఔషధాలను సరఫరా చేయాలని కోరాను. కరోనా బారిన పడే వారి సంఖ్య పెరగుతున్న నేపథ్యంలో ఆసుపత్రుల్లో పడకల పూర్తిగా నిండిపోతున్నాయి. అయితే.. మేం పడకల కొరత రాకుండా చర్యలు తీసుకుంటున్నాం.

-అరవింద్​ కేజ్రీవాల్​, దిల్లీ ముఖ్యమంత్రి

దిల్లీలో శుక్రవారం ఒక్కరోజే 24,000 మంది వైరస్​ బారిన పడగా.. అంతకుమందు రోజు ఈ సంఖ్య 19,400గా ఉందని కేజ్రీవాల్​ గుర్తు చేశారు. రానున్న మూడు నాలుగు రోజుల్లో దిల్లీలో అదనంగా 6,000 పడకలను ఏర్పాటు చేస్తామని తెలిపారు.

ఇదీ చూడండి:'అవసరమైతే కొవిడ్​ బోగీలను వినియోగించుకోండి'