దేశంలో లక్షా 25వేలు దాటిన కరోనా మరణాలు

దేశంలో కరోనా వ్యాప్తి కొనసాగుతోంది. ఒక్కరోజు వ్యవధిలోనే 50,357 మంది మహమ్మారి బారినపడ్డారు. బాధితుల సంఖ్య 84లక్షల 62వేల 81కి పెరిగింది. కొవిడ్​ ధాటికి మరో 577 మంది బలవ్వగా.. మొత్తం మృతుల సంఖ్య 1లక్షా 25వేల 562కు చేరింది.

దేశంలో మరో 50వేల 357 మందికి కొవిడ్​ పాజిటివ్​గా నిర్ధరణ అయింది. కరోనా కారణంగా మరో 577 మంది మృతి చెందారు. ఫలితంగా మొత్తం మరణాల సంఖ్య 1.25 లక్షలకు ఎగబాకింది.

దేశంలో కరోనా కేసుల వివరాలు

దేశవ్యాప్తంగా శుక్రవారం ఒక్కరోజే 11,13,209 నమూనాలను పరీక్షించినట్టు భారతీయ వైద్య పరిశోధనా మండలి(ఐసీఎంఆర్​) వెల్లడించింది. ఫలితంగా మొత్తం టెస్ట్​ల సంఖ్య 11కోట్ల 65లక్షలు దాటింది.

మరింత మెరుగైన రికవరీ రేటు

దేశంలో ఐదు వారాలుగా కొత్త కేసుల కంటే కోలుకున్న వారి సంఖ్యే అధికంగా ఉన్నట్టు కేంద్ర ఆరోగ్య శాఖ తెలిపింది. దీంతో దేశవ్యాప్త రికవరీ రేటు 92.41 శాతానికి పెరిగింది. మరణాల రేటు 1.48 శాతానికి తగ్గినట్టు ఆరోగ్య శాఖ గణాంకాలు వెల్లడించాయి.

ఇవీ చదవండి: