విదేశీ వితరణలపై 'కొవ్​ఎయిడ్' పర్యవేక్షణ

విదేశాల నుంచి అందుతున్న కొవిడ్​ సాయం పంపిణీ ప్రక్రియను పర్యవేక్షించేందుకు 'కొవ్​ఎయిడ్​' పేరుతో ప్రత్యేక పోర్టల్​ను నీతి ఆయోగ్ ఏర్పాటు చేసింది. వనరుల కొరత తీవ్రంగా ఉన్న ప్రాంతాలకు సహాయక సామగ్రిని ప్రాధాన్యతా క్రమంలో అందజేసేందుకు ఈ పోర్టల్​ ఉపకరించనుంది.

కరోనా సంక్షోభం నేపథ్యంలో విదేశాల నుంచి భారత్ కు అందుతున్న వితరణల పంపిణీ ప్రక్రియను పర్యవేక్షించేందుకుగాను 'కొవ్​ఎయిడ్' పేరుతో ప్రత్యేక పోర్టల్​ను నీతి ఆయోగ్ ఏర్పాటుచేసింది. విదేశీ దాతల నుంచి కేంద్ర ప్రభుత్వానికి అందే సహాయక సామగ్రి పారదర్శకంగా అంతిమ వినియోగదారులకు చేరే వరకు ఈ పోర్టల్ ద్వారా ట్రాక్ చేయొచ్చు. తదనుగుణంగా సమగ్ర ప్రామాణిక నిర్వహణ విధానాన్ని(ఎస్​ఓపీ) దానిలో పొందుపర్చినట్లు ఓ అధికారి తెలిపారు.

కేసుల భారం ఎక్కువగా ఉన్న రాష్ట్రాలు, వనరుల కొరత తీవ్రంగా ఉన్న ప్రాంతాలకు సహాయక సామగ్రిని ప్రాధాన్యతా క్రమంలో అందజేసేందుకు 'కొవ్​ఎయిడ్' వీలు కల్పిస్తుందని సదరు అధికారి వివరించారు.

ఇదీ చూడండి:యూకేకు పంపాల్సిన 50 లక్షల టీకాలు భారత్​కే!