కేరళలో కరోనా పంజా- మరో 51 వేల మందికి వైరస్​

Corona cases in India: కేరళలో కొవిడ్ విజృంభణ కొనసాగుతోంది. ఆదివారం ఒక్కరోజే 51 వేల మందికి పైగా వైరస్​ సోకినట్లు నిర్ధరణ అయింది. ఫలితంగా మొత్తం కేసుల సంఖ్య 60 లక్షలకు చేరువైంది.

Corona cases in India: పలు రాష్ట్రాల్లో రోజువారీ కరోనా కేసులు దిగొస్తుండగా.. కేరళలో మాత్రం పెరుగుతున్నాయి. శనివారంతో పోల్చుకుంటే కేసులు స్వల్పంగా పెరిగాయి. కొత్తగా 51,570 మందికి కొవిడ్​ పాజిటివ్​గా తేలింది. దీంతో రాష్ట్రంలో మొత్తం కేసుల సంఖ్య 60 లక్షలకు చేరువైంది.మరో 12 మంది వైరస్ కారణంగా ప్రాణాలు కోల్పోయారు. మరణాల సంఖ్య 53,666కు చేరింది. 32,701 మంది మహమ్మారిని జయించారు.

కన్నడ నాట తగ్గిన కేసులు

కర్ణాటకలో కరోనా కొత్త కేసులు తగ్గుముఖం పడుతున్నాయి. తాజాగా 28,264 కేసులు వెలుగుచూశాయి. మరో 68 మంది మృతి చెందారు. కాగా 29,244 మంది వైరస్​ నుంచి కోలుకున్నారు.

తమిళనాడులోనూ కొవిడ్​ కేసులు తగ్గాయి. కొత్తగా 22,238 మందికి వైరస్​ పాజిటివ్​గా నిర్ధరణ అయింది. మరో 38 మంది మరణించారు. 26 వేల మందికిపైగా కోలుకున్నారు.

జమ్ముకశ్మీర్​లో కరోనా కేసులు స్థిరంగా నమోదవుతున్నాయి. తాజాగా 4,615 మంది వైరస్​ బారినపడ్డారు. మరో ఏడుగురు మృతి చెందారు.

రాష్ట్రం	కొత్త కేసులు	మరణాలు
కేరళ	51,570	12
కర్ణాటక	28,264	68
తమిళనాడు	22,238	38
ఆంధ్రప్రదేశ్​	10,310	12
రాజస్థాన్​	10,061	21
గుజరాత్​	9,395	30
ఒడిశా	4,843	19
జమ్ముకశ్మీర్	4,615	07
దిల్లీ	3,674	30
తెలంగాణ	2,484	01
ఛత్తీస్​గడ్​	2,373	10

సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!

ఇదీ చూడండి:ఇంట్లోనే కెమికల్ ఫ్యాక్టరీ.. ముగ్గురు చిన్నారులు సజీవ దహనం