సెంట్రల్ విస్టా ప్రాజెక్ట్కు గాంధీ కుటుంబం పేరు పెట్టకపోవడంపై కాంగ్రెస్ పార్టీ అసంతృప్తిగా ఉందని కేంద్ర మంత్రి అనురాగ్ ఠాకూర్ అన్నారు. ఆ పార్టీ అధికారంలో ఉన్న రాష్ట్రాల్లో ఇలాంటి మెగా ప్రాజెక్టుల నిర్మాణం జరుగుతుంటే వాటి మీద నోరు మొదపరేమని ప్రశ్నించారు. సెంట్రల్ విస్టా ప్రాజెక్టు భారతీయులందరిదని నొక్కి చెప్పిన మంత్రి.. ఇది రాబోయే రోజుల్లో పేదల జీవితాలను మార్చే విధానాలు, కార్యక్రమాలను రూపొందిస్తుందని పేర్కొన్నారు. భారత దేశాన్ని ఆర్థిక శక్తిగా నిలబెడుతుందని పేర్కొన్నారు.
"సెంట్రల్ విస్టాకు గాంధీ కుటుంబం పేరు పెట్టకపోవడంపై కాంగ్రెస్ అసహనం ప్రదర్శిస్తోంది. ఈ అవకాశాన్ని కోల్పోయినందుకు చింతిస్తుంది. హస్తం పార్టీకి ప్రస్తుతం పౌరసత్వ పాఠాలు అవసరం. అధికారిక నివాసాలు, ప్రభుత్వ కార్యాలయాలు దేశ ప్రజలకు చెందినవి. వ్యక్తులకు చెందినవి కాదని ఆ పార్టీ సభ్యులు గుర్తు పెట్టుకోవాలి."