Punjab polls: పంజాబ్ అసెంబ్లీ ఎన్నికలు దగ్గర పడుతున్న క్రమంలో పోటీలో నిలిచే తమ అభ్యర్థులను ప్రకటిస్తున్నాయి పార్టీలు. ఇప్పటికే రెండు జాబితాలను విడుదల చేసిన కాంగ్రెస్.. తాజాగా 8 మంది అభ్యర్థులతో మూడో జాబితాను ప్రకటించింది. అందులో ముఖ్యమంత్రి చరణ్ జీత్ చన్నీకి చోటు కల్పించింది.
ముఖ్యమంత్రి చరణ్ జీత్ సింగ్ చన్నీ రెండు స్థానాల నుంచి బరిలో నిలుస్తున్నారు. భదౌర్, ఛంకౌర్ సాహిబ్ నియోజకవర్గాల్లో సీఎం పోటీ చేస్తారని పార్టీ స్పష్టం చేసింది.
కెప్టెన్పై పోటీకి మాజీ మేయర్
కాంగ్రెస్ పార్టీని వదిలి వేరు కుంపటి పెట్టిన మాజీ ముఖ్యమంత్రి కెప్టెన్ అమరీందర్ సింగ్పై పోటీకి.. కీలక నేత, పటియాలా మాజీ మేయర్ విష్ణు శర్మను బరిలో దింపుతోంది హస్తం పార్టీ. అమరీందర్ పోటీ చేస్తున్న పటియాలా అసెంబ్లీ స్థానాన్ని విష్ణు శర్మకు కేటాయించింది. గతంలో కెప్టెన్కు శర్మ సన్నిహితుడిగా ఉండటం గమనార్హం.