కాంగ్రెస్ నేత సల్మాన్​ ఖుర్షీద్ ఇంటికి నిప్పు.. వారి పనే!

కాంగ్రెస్ సీనియర్ నేత సల్మాన్ ఖుర్షీద్ ఇంటికి నిప్పంటించారు కొందరు దుండగులు. ఉత్తరాఖండ్​ నైనీతాల్ జిల్లాలో ఆయన ఇంటిపై దాడి చేసి.. ఇంటిని ధ్వంసం చేసినట్లు పోలీసులు తెలిపారు.

కాంగ్రెస్ సీనియర్ నేత సల్మాన్ ఖుర్షీద్ ఇంటిపై కొందరు దుండగులు దాడి చేశారు. ఉత్తరాఖండ్​ నైనీతాల్​లోని ఆయన ఇంటిని ధ్వంసం చేసి.. నిప్పంటించారు. ఈ ఘటనలో 20 మందిపై కేసు నమోదు చేసినట్లు డీజీఐ నీలేశ్​ ఆనంద్ తెలిపారు. ఈ ఘటనకు పాల్పడ్డవారిపై కఠిన చర్యలు తీసుకుంటామన్నారు.

సల్మాన్​ ఖుర్షీద్ ఇంటికి నిప్పు

ఖుర్షీద్ ఇటీవల రాసిన 'సన్​రైజ్ ఓవర్ అయోధ్య- నేషన్​హుడ్ ఇన్​ అవర్ టైమ్స్​' పుస్తకం.. ఈ దాడికి కారణంగా తెలుస్తోంది. హిందువుల మనోభావాలను కించపరిచేలా ఈ పుస్తకం రాశారని కొందరు ఆరోపిస్తున్నారు.