మాజీ ప్రధాని ఇందిరా గాంధీకి రాహుల్​ నివాళులు

మాజీ ప్రధాని ఇందిరా గాంధీకి నివాళులు అర్పించారు కాంగ్రెస్ నేత రాహుల్​ గాంధీ. దిల్లీలోని శక్తి స్థల్​లో ఆమెకు పూలతో శ్రద్ధాంజలి ఘటించారు.

మాజీ ప్రధానమంత్రి దివంగత ఇందిరా గాంధీ 37వ వర్ధంతి సందర్భంగా.. కాంగ్రెస్​ ప్రముఖులు నివాళులు అర్పించారు. దిల్లీలోని శక్తిస్థల్​ను సందర్శించిన రాహుల్ గాంధీ.. ఇందిరాకు పుష్పాంజలి ఘటించారు. ఆమె సాధించిన విజయాలను ఈ సందర్భంగా గుర్తు చేసుకున్నారు రాహుల్​.

ఇందిరా గాంధీ సమాధి వద్ద రాహుల్ నివాళి

పూలతో నివాళులర్పిస్తున్న రాహుల్​

"ఇందిరాగాంధీ తన చివరి క్షణం వరకు దేశానికి సేవ చేశారు. ఆమె జీవితం మాకు స్ఫూర్తిదాయకం. అంతేగాకుండా మహిళా సాధికారతకు ఆమె ఉదాహరణ. ఇందిరా గాంధీ వర్ధంతి సందర్భంగా ఇవే మా ఘననివాళులు."

-రాహుల్​ గాంధీ

శక్తి స్థల్​లో ఇందిరా ఘాట్​ చుట్టూ తిరుగుతున్న రాహుల్​

మౌనం పాటిస్తున్న రాహుల్​ గాంధీ

భారత తొలి మహిళా ప్రధాని ఇందిరా గాంధీనే కావడం విశేషం. ఇందిరా 1966-1977 వరకు ప్రధానిగా పని చేశారు. మరోమారు 1980లో ప్రధానిగా బాధ్యతలు చేపట్టారు. 1984, అక్టోబర్​ 31న అక్బర్​ రోడ్​ లోని ఆమె అధికారిక నివాసంలో ఇద్దరు బాడీగార్డ్స్​ కాల్పులు జరపటం వల్ల ఆమె ప్రాణాలు కోల్పోయారు.

ఇదీ చూడండి:Azadi Ka Amrit Mahotsav: మేనన్‌ తలకు పెన్‌-గన్‌!