మరో మూడు రోజుల్లో(ఏప్రిల్17) అసెంబ్లీ ఉప ఎన్నిక ఉండగా.. ఒడిశా కాంగ్రెస్ అభ్యర్థి అజిత్ మంగరాజ్ కరోనాతో చనిపోయారు. దాంతో ఉపఎన్నిక నిలిపేస్తున్నట్లు ఎన్నికల సంఘం ప్రకటించింది.
పిపిలీ శాసనసభ నియోజకవర్గ బీజేడీ ఎమ్మెల్యే ప్రదీప్ మాంఝీ అక్టోబర్లో చనిపోవడం వల్ల ఇక్కడ ఉపఎన్నిక అనివార్యమైంది. కాగా ఈ స్థానం నుంచి కాంగ్రెస్ తరపున అజిత్ మంగరాజ్ పోటీకి దిగారు. అయితే శనివారం ఆయన కరోనా బారినపడి ఆసుపత్రిలో చేరారు. పరిస్థితి విషమించడం వల్ల బుధవారం మరణించారు.