'ఆ హాస్టల్​లో నగ్న నృత్యాలు జరగలేదు'

మహారాష్ట్ర జల్గావ్​ హాస్టల్​ ఘటనపై సంచలన విషయాలు బయటికొచ్చాయి. బాలికలతో నగ్నంగా నృత్యం చేయించడం వంటి ఘటనలేవీ అసలు అక్కడ జరగలేదని ప్రభుత్వానికి దర్యాప్తు కమిటీ నివేదిక సమర్పించింది.

మహారాష్ట్ర జల్గావ్​ ఘటనపై దర్యాప్తు చేపట్టిన కమిటీ.. తమ నివేదికను సమర్పించింది. హాస్టల్ బాలికలతో కొందరు పోలీసులు నగ్నంగా నృత్యం చేయించిన ఘటనేదీ జరగలేదని ఆరుగురు సభ్యులు ఆ నివేదికలో పేర్కొన్నట్టు.. హోంమంత్రి అనిల్​ దేశ్​ముఖ్​ వెల్లడించారు. కేవలం వినోద కార్యక్రమాలు మాత్రమే నిర్వహించారని చెప్పారు. ఆ హాస్టల్​లోని మతిస్తిమితం సరిగ్గాలేని కొందరు బాలికలే ఇలా ఫిర్యాదు చేశారని తెలిపారు.

జల్గావ్​లో కొందరు పోలీసులు.. హాస్టల్​ విద్యార్థినులను బలవంతంగా నగ్న నృత్యాలు చేయించారని ఆరోపించారు అక్కడి బాలికలు. ఈ ఘటనపై దర్యాప్తు చేపట్టాలని ఆ రాష్ట్ర హోంమంత్రి అనిల్ దేశ్​ముఖ్ బుధవారం ఆదేశించారు.

ఇదీ చదవండి:'రైతు మద్దతుదారులపై మోదీ సర్కార్ దాడులు'