50 ఏళ్ల తర్వాత ఆ మార్గంలో తొలి​ రైలు!

భారత్​, బంగ్లాదేశ్​ మధ్య దాదాపు 50 ఏళ్ల తర్వాత వస్తు రవాణా రైలు సేవలు ప్రారంభమయ్యాయి. 2020, డిసెంబర్​ 17న ప్రధాని మోదీ, షేక్​ హసీనాలు ప్రారంభించిన మార్గంలో అధికారికంగా తొలి రైలు ప్రారంభమైంది.

భారత్​, బంగ్లాదేశ్​ మధ్య దాదాపుగా 50 ఏళ్ల తర్వాత గూడ్స్​ రైలు సేవలు తిరిగి ప్రారంభమయ్యాయి. హల్దిబాడీ-ఛిలహతి మార్గాన్ని పునరుద్ధరించిన తర్వాత మొదటిసారిగా ఓ గూడ్స్ రైలు బయలుదేరింది.

2020 డిసెంబర్ 17న ప్రధాని మోదీ, బంగ్లా ప్రధాని షేక్ హసీనా.. ఈ మార్గాన్ని పునః ప్రారంభించారు. అయితే.. కరోనా కారణంగా ఇప్పటివరకూ ఆ మార్గంలో అధికారికంగా రైలు సేవలు కొనసాగలేదు. ఈ గూడ్స్​ రైలు అలిపుర్దువర్లోని దిమ్​దిమ స్టేషన్ నుంచి ఉదయం 10.30 గంటలకు ప్రయాణం ప్రారంభించింది. బల్దిబరి మీదుగా బ్లంగాదేశ్​లోని ఛిలహతికి చేరుకోనుంది.

హల్దిబాడీ రైల్వే స్టేషన్​ నుంచి అంతర్జాతీయ సరిహద్దు వరకు 4.5 కిలోమీటర్ల దూరం ఉంటుంది. జీరో పాయింట్ నుంచి ఛిలహతికి 7.5 కిలోమీటర్ల దూరం ఉంటుంది. ​

హల్దిబాడీ-ఛిలహతి రైల్​ లింక్​ మధ్య 1965 వరకు రవాణా జరిగింది. అయితే.. 1965లో భారత్-పాక్ యుద్ధం అనంతరం తూర్పు పాకిస్థాన్​, భారత్​ మధ్య సత్సంబంధాలు దెబ్బతిన్నాయి.

ఇదీ చదవండి:మద్యం మత్తులో యువతి హల్​చల్​- యువకుడిపై దాడి