రోగికి పెట్టిన ఆహారంలో బొద్దింక
దిల్లీలోని ఎయిమ్స్ ఆస్పత్రిలో రోగులకు వడ్డించే భోజనంలో బొద్దింకలు రావడం తీవ్ర కలకలం రేపింది. దీంతో ఆ రోగి బంధువులు ఆందోళనకు దిగారు. ఓ ట్విట్టర్ యూజర్ దీనికి సంబంధించిన ఫొటోలను సామాజిక మాధ్యమాల్లో షేర్ చేయగా అసలు విషయం బయటపడింది. ఈ ఘటనతో ఎయిమ్స్లో రోగులకు అందిస్తున్న ఆహార నాణ్యతపై ప్రశ్నలు తలెత్తుతున్నాయని రోగుల కుటుంబ సభ్యులు ఆందోళన వ్యక్తం చేశారు.
అసలేం జరిగింది: దిల్లీలోని ప్రతిష్ఠాత్మక ఎయిమ్స్ వైద్యశాలలో శస్త్రచికిత్స నిమిత్తం ఓ చిన్నారిని ఆస్పత్రిలో చేర్పించారు. ఆపరేషన్కు ముందు ఎలాంటి ఆహారం తినిపించకూడదని చెప్పారు వైద్యులు. దీంతో గత రెండు రోజులు నుంచి చిన్నారికి ఏమీ తినిపించలేదు. ఆపరేషన్ విజయవంతంగా ముగిసిన ఎనిమిది రోజులకు కూడా చిన్నారికి ఆహారం తినిపించలేదు.