'మన టీకాలు కొత్త వైరస్​​పైనా సమర్థంగానే పని చేస్తాయ్​'

దేశీయంగా తయారవుతున్న కొవిడ్​ వ్యాక్సిన్​లు పరివర్తన చెందుతున్న కరోనా వైరస్​పై సమర్థంగా పని చేయగలవని ఐసీఎంఆర్ ​తెలిపింది. బ్రిటన్​, బ్రెజిల్​, దక్షిణాఫ్రికా దేశాల్లోని రూపాంతరం చెందుతున్న వైరస్​లను సమర్థంగా ఎదుర్కోగలవని.. ఈ మేరకు నిర్వహిస్తున్న క్లినికల్​ ట్రయల్స్​లోని మధ్యంతర ఫలితాలు సూచిస్తున్నాయని పేర్కొంది.

భారత్​లో తయారవుతోన్న కరోనా టీకాలు.. రూపాంతరం చెందుతున్న వైరస్​పైనా సమర్థంగా పని చేయగలవని భారతీయ వైద్య పరిశోధన మండలి(ఐసీఎంఆర్) తెలిపింది. ఈ మేరకు నిర్వహిస్తున్న క్లినికల్​ ట్రయల్స్​లో వచ్చిన మధ్యంతర ఫలితాలు సూచిస్తున్నాయని పేర్కొంది. బ్రిటన్​, బ్రెజిల్​, దక్షిణాఫ్రికా దేశాల్లో పరివర్తన చెందుతున్న కరోనా వైరస్​ను ఎదుర్కోవడంలో సమర్థంగా పని చేస్తాయని వెల్లడించింది.

కేరళ ఆరోగ్యశాఖ నిర్వహించిన "కేరళ హెల్త్​: మేకింగ్​ ది ఎస్​డీజీఏ రియాలిటీ" కార్యక్రమంలో మాట్లాడిన ఐసీఎంఆర్​ డైరెక్టర్ జనరల్​ బలరాం భార్గవ్​.. మన టీకాలు బ్రిటన్​ స్ట్రెయిన్​ కరోనా వైరస్​పై సమర్థంగా పని చేయగలవని ప్రచురించడానికి ఓ జర్నల్​​ అంగీకరించినట్లు పేర్కొన్నారు. దక్షిణాఫ్రికా, బ్రెజిల్​ దేశాలకు చెందిన ప్రయాణికుల నుంచి కరోనా వైరస్​ శాంపిల్స్​ సేకరించి, వేరు చేసే ప్రయత్నాలు జరుగుతున్నాయని తెలిపారు.

"కొవాగ్జిన్ బీబీ152 మూడో దశ క్లినికల్​ ట్రయల్స్​ పూర్తయ్యాయి. ఇందులో 25,800 మంది వలంటీర్లు పాల్గొన్నారు. దీనికి సంబంధించి మధ్యంతర ఫలితాలు వారం రోజుల్లో వస్తాయి" అని బలరాం తెలిపారు. కొత్త కరోనా వైరస్​ను వేరు చేసి.. అందుకు అనుగుణంగా టీకా అభివృద్ధి చేయడానికి ప్రయత్నిస్తున్న దేశాల్లో భారత్​ ఐదోదని పేర్కొన్నారు.

ఇదీ చూడండి:టీకా పంపిణీలో కోటి మార్కును దాటిన భారత్‌