ఈ నెలాఖరున సీబీఎస్​సీ పరీక్షల షెడ్యూల్​

సీబీఎస్​సీ పరీక్షల షెడ్యూల్​ను ఈ నెల 31న ప్రకటిస్తామని కేంద్ర విద్యా శాఖ మంత్రి రమేశ్​ పోఖ్రియల్​ తెలిపారు. ఇప్పటికే పలుమార్లు వాయిదాపడ్డ 10, 12 తరగతుల బోర్డు పరీక్షలు జనవరి, ఫిబ్రవరిలో జరుగుతాయని కొన్ని రోజుల క్రితమే తెలిపారు పోఖ్రియల్​.

సెంట్రల్​ బోర్డ్​ ఆఫ్​ సెకండరీ ఎడ్యుకేషన్​(సీబీఎస్​ఈ) 10, 12 తరగతుల పరీక్షల షెడ్యూల్​ను ఈ నెల 31న ప్రకటించనుంది కేంద్ర విద్యా మంత్రిత్వ శాఖ. ఈ మేరకు ట్విట్టర్​ వేదికగా వెల్లడించారు ఆ శాఖ మంత్రి రమేశ్​ పోఖ్రియల్​.

"2021లో నిర్వహించనున్న సీబీఎస్​సీ​ బోర్డు పరీక్షలు ఎప్పుడు ప్రారంభమవుతాయో.. డిసెంబర్​ 31న ప్రకటిస్తాం" అని ట్వీట్ చేశారు పోఖ్రియల్​.

కరోనా పరిస్థితుల దృష్ట్యా ఫిబ్రవరి లోపు 10,12 తరగతుల పరీక్షలు నిర్వహిస్తామని కొన్ని రోజుల క్రితం పోఖ్రియల్​ ప్రకటించారు.

ఇదీ చూడండి:'గగన్​యాన్​ ప్రయోగం కోసం హరిత ఇంధనం అభివృద్ధి'