ఉగ్రవాదుల కాల్పుల్లో పౌరుడు మృతి

జమ్ముకశ్మీర్​లో ఉగ్రవాదులు జరిపిన కాల్పుల్లో పౌరుడు మరణించాడు(Militant Attack In Kashmir). సోమవారం రాత్రి 8గంటల సమయంలో ఈ ఘటన జరిగినట్లు పోలీసులు తెలిపారు. 24 గంటల్లో ఉగ్రవాదులు కాల్పులు జరపటం ఇది రెండోసారని వివరించారు.

జమ్ముకశ్మీర్​లో ఉగ్రవాదులు మరోసారి రెచ్చిపోయారు. బందిపొరా జిల్లాలో​ ఓ పౌరుడిపై కాల్పులకు(Militant Attack In Kashmir) తెగబడ్డారు. ఈ ఘటనలో పౌరుడు మృతిచెందినట్లు పోలీసులు తెలిపారు. సోమవారం రాత్రి 8గంటల సమయంలో బొహ్రీ కదల్ ప్రాంతంలో మహమ్మద్ ఇబ్రహీంఖాన్​పై కాల్పులు జరిపారు ఉగ్రవాదులు. ఈ ఘటనలో తీవ్రంగా గాయపడిన ఇబ్రహీంను స్థానిక ఆస్పత్రికి తరలించగా.. అప్పటికే ఆయన మృతిచెందినట్లు వైద్యులు తెలిపారు.

ఇబ్రహీం.. మహారాజ్​ఘంజ్ ప్రాంతంలో సేల్స్​మెన్​గా పనిచేస్తున్నట్లు పోలీసులు తెలిపారు. ఈ ఘటనపై పూర్తిస్థాయిలో దర్యాప్తు చేపట్టినట్లు పేర్కొన్నారు.

మరోవైపు ఈ దాడిని(Militant Attack In Kashmir) నేషనల్ కాన్ఫరెన్స్​(ఎన్​సీ)పార్టీ అధినేత ఒమర్​ అబ్దుల్లా ఖండించారు. ఇబ్రహీం ఆత్మకు శాంతి కలగాలని ప్రార్థించారు.

ఆదివారం రాత్రి సైతం.. ఉగ్రమూకలు రెచ్చిపోయాయి. బాటమలూ ప్రాంతంలో ఓ కానిస్టేబుల్​ను కాల్చి చంపారు ఉగ్రవాదులు.

ఇదీ చూడండి:'దేశంలోనే అత్యుత్తమ యాత్రాస్థలంగా పండర్​పుర్!'