CISCE results: క్లాస్ 10,12 ఫలితాలు విడుదల

10,12 వ తరగతుల ఫలితాలను వెల్లడించింది సీఐఎస్​సీఈ(CISCE results 2021) బోర్డు. శనివారం 3 గంటలకు ఫలితాలను విడుదల చేసింది.

పది, పన్నెండో తరగతి ఫలితాలను శనివారం 3 గంటలకు విడుదల చేసింది కౌన్సిల్ ఫర్ ది ఇండియన్ స్కూల్ సర్టిఫికేట్ ఎగ్జామినేషన్స్(CISCE results 2021) బోర్డు. ఈ మేరకు ఫలితాలపై ఓ ప్రకటన చేశారు బోర్డు కార్యదర్శి అరథూన్ తెలిపారు.

"10వ తరగతిలో బాలబాలికల ఉత్తీర్ణత శాతం 99.98గా ఉంది. 12వ తరగతిలో బాలికల ఉత్తీర్ణత శాతం 99.86 కాగా.. బాలుర శాతం 99.66గా నమోదైంది."

--గెర్రీ అరథూన్, సీఐఎస్​సీఈ ఛీఫ్ ఎగ్జిక్యూటివ్.

గతేడాది విధంగానే పేపర్​ రీ చెకింగ్​ లేదని తెలిపిన అరథూన్.. పునర్మూల్యాంకణం ఉంటుందని స్పష్టం చేశారు.

కొవిడ్​ దృష్ట్యా 10,12 తరగతుల విద్యార్థులకు పరీక్ష నిర్వహించకూడదని గతంలో బోర్డు నిర్ణయించింది. అయితే.. ఇతర అసైన్మెంట్ల ఆధారంగా ఫలితాలు వెల్లడించినట్లు పేర్కొంది.

ఇదీ చదవండి:CBSE: ఫీజు రీఫండ్​పై హైకోర్టు కీలక ఆదేశాలు