మధ్యప్రదేశ్ ముఖ్యమంత్రి శివరాజ్ సింగ్ చౌహాన్, భాజపా జాతీయ ప్రధాన కార్యదర్శి కైలాష్ విజయ వర్గియాతో కలిసి పాడిన ఓ పాట నెటిజన్లను విపరీతంగా ఆకట్టుకుంటోంది. భోపాల్‌లోని అసెంబ్లీలో జరిగిన ఓ కార్యక్రమంలో రాజకీయ దిగ్గజాలు ఇద్దరు కలిసి ప్రముఖ బాలీవుడ్ చిత్రం షోలేలోని 'యే దోస్తీ హమ్ నహీ చోడెంగే' పాటను అద్భుతంగా ఆలపించారు.
రాజకీయాల్లోకి వచ్చినప్పటి నుంచి మిత్రులైన వారు.. తమ స్నేహానికి ప్రతీకగా ఈ పాట పాడుకున్నారు. మధురమైన గాత్రంతో గీతాన్ని ఆలపిస్తూ.. నేతలను ఆకట్టుకున్నారు. ఇందుకు సంబంధించిన దృశ్యాలు సామాజిక మాధ్యమాల్లో వైరల్గా మారాయి.