వేర్వేరు రోడ్డు ప్రమాదాల్లో ఏడుగురు మృతి.. 10మందికి గాయాలు

Chitradurga Road Accident: వేర్వేరు ప్రాంతాల్లో జరిగిన రోడ్డు ప్రమాదాల్లో ఏడుగురు మృతిచెందారు. 10 మందికి గాయాలయ్యాయి. రాజస్థాన్​లో జరిగిన ప్రమాదంలో మృతి చెందిన వారిలో ఓ సీఆర్​పీఎఫ్​ జవాన్​ కూడా ఉన్నట్లు పోలీసులు తెలిపారు.

Chitradurga Road Accident: కర్ణాటకలోని చిత్రదుర్గలో జరిగిన రోడ్డు ప్రమాదంలో నలుగురు మృతిచెందారు. మరో 10మందికి గాయాలయ్యాయి. ఉల్లి లోడుతో వెళ్తున్న లారీ టైర్లు పేలగా.. అదుపు తప్పి కారును ఢీకొట్టింది. లారీనుంచి తప్పించుకునే క్రమంలో మరో రెండు ట్రక్కులు కూడాబోల్తా పడ్డాయి. జాతీయ రహదారి- 4 ఆలూర్ క్రాస్​ వద్ద ఈ ప్రమాదం జరిగింది. దీంతో కొన్ని గంటలపాటు ట్రాఫిక్​కు అంతరాయం ఏర్పడింది.

బోల్తా పడ్డ లారీ

మృతులు కలకప్ప హునగుండి(30), గురప్ప హుగర్​(26), రమేశ్​(28), ప్రశాంత్ హత్తి(36)లుగా పోలీసులు గుర్తించారు. గాయపడినవారిని హిరియూర్ ప్రభుత్వ ఆస్పత్రికి తీసుకెళ్లారు. జిల్లా ఎస్పీ రాధిక, డిప్యూటీ ఎస్పీ రోషర్ జమీర్, సర్కిల్ ఇన్​స్పెక్టర్​ శివకుమార్.. ఘటనాస్థలిలో పర్యటించారు. ఈ ఘటనపై హిరియూర్ స్టేషన్​లో కేసు నమోదైంది.

ఎన్​హెచ్​-4లో భారీగా ట్రాఫిక్ జాం

ఒకే కుటుంబంలో ముగ్గురు మృతి

Ajmer Road Accident: రాజస్థాన్​ అజ్​మేర్​లో ఓ ద్విచక్రవాహనాన్ని ట్రక్కు ఢీ కొన్న ఘటనలో ఒకే కుటుంబానికి చెందిన ముగ్గురు మృతిచెందారు. మృతుల్లో సీఆర్​పీఎఫ్​ జవాన్​ కూడా ఉన్నారు. మృతులు కులదీప్ రావత్, యోగేంద్ర రావత్, ముఖేంద్ర రావత్​గా గుర్తించారు.

బోల్తాపడ్డ ఉల్లిగడ్డ లారీ

నజిరాబాద్​లోని ప్రభుత్వ పాఠశాల వద్ద ఈ ఘటన జరిగినట్లు పోలీసులు తెలిపారు. ట్రక్కు డ్రైవర్​ను ఇప్పటికే అరెస్ట్ చేసినట్లు పేర్కొన్నారు.

ఇదీ చూడండి:సర్పంచ్ దారుణ హత్య.. మృతదేహంతో రోడ్డుపై స్థానికుల ఆందోళన