ఏడు అడుగులు ఎత్తైన వంగ తోట- ఒక్కో మొక్కకు 100 కిలోలు!

7 feet brinjal plant: సాధారణంగా వంకాయ మొక్క రెండు నుంచి నాలుగు అడుగుల ఎత్తు ఉంటుంది. కానీ ఛత్తీస్​గఢ్​కు చెందిన ఓ యువకుడు మాత్రం.. ఇజ్రాయెల్ టెక్నాలజీతో ఏడు అడుగుల ఎత్తైన వంకాయ మొక్కను పండించాడు.

7 feet Brinjal plant: ఛత్తీస్​గఢ్​ సిల్ఫిలీ గ్రామానికి చెందిన ఓ యువకుడు ఎత్తైన వంకాయ పంటను పండించాడు. ఇజ్రాయెల్ సాంకేతికతతో ఈ ఘనత సాధించాడు.

వ్యవసాయంపై మక్కువతో ఈ రంగంలో అద్భుతాలు చేస్తున్న దినేశ్ రాయ్.. తన సొంతూరిలో కాయగూరల పంటలను సాగు చేస్తున్నాడు. కొత్త కొత్త సాంకేతికతలను ప్రవేశపెట్టి మంచి దిగుబడి రాబట్టుకుంటున్నాడు. ఈ క్రమంలోనే ఇజ్రాయెల్ టెక్నాలజీతో వంకాయ పంటను వేశాడు. ఈ మొక్కలు ఏకంగా 7 నుంచి 8 అడుగుల పొడవు పెరిగాయి. దీన్ని చూసి దినేశ్ సంబరపడిపోతున్నాడు. ఈ మొక్కల వయసు ఏడాదిన్నర మాత్రమేనని తెలుస్తోంది. ఒక్కో మొక్కకు సంవత్సరం కాలంలో వంద కిలోల వంకాయలు కాశాయి.

ఎత్తుగా పెరిగిన వంకాయ మొక్కలు

tall Brinjal plant

2016 నుంచి భారత్​లో ఈ ఇజ్రాయెల్ సాంకేతికతను ఉపయోగించి పంటలు పండిస్తున్నారు. ఇందులో భాగంగా హైబ్రిడ్ వంకాయ మొక్క కాండంలోకి అటవీ వంకాయ వేర్లను ప్రవేశపెడతారు. సరైన ఎరువులు, ఔషధాలు అందిస్తారు. డ్రిప్ పరిజ్ఞానంతో రోజూ నీరు సరఫరా చేస్తారు. సరిగ్గా సంరక్షిస్తే ఈ మొక్కలకు ఏటా క్వింటాల్ వంకాయలు కాస్తాయి.

దినేశ్ రాయ్ 4.5 ఎకరాల్లో వంకాయ సాగు చేస్తున్నాడు. భారీగా లాభాలను గడిస్తున్నాడు. ఎంతో మందికి జీవనోపాధి కల్పిస్తూ స్థానికంగా యువతకు స్ఫూర్తిగా మారాడు.

ఇదీ చదవండి:చీర కోసం మహిళ దుస్సాహసం.. కుమారుడ్ని 9వ అంతస్తు నుంచి వేలాడదీసి..