ఛత్తీస్‌గఢ్‌ దంతెవాడ జిల్లాలో నక్సల్స్‌ పెట్టిన ఐఈడీ పేలి.. ఓ వ్యక్తి మరణించాడు. మరో 11 మంది గాయపడ్డారు. మాలేవాది పోలీస్‌ స్టేషన్ పరిధిలో.. ఘోతియా గ్రామానికి సమీపంలో ఈ పేలుడు సంభవించింది. నారాయణ్‌పుర్‌ నుంచి దంతెవాడను కలిపే మార్గంలో వెళ్తున్న బొలెరో లక్ష్యంగా గురువారం ఉదయం 7.30 ప్రాంతంలో ఈ ఘటన జరిగింది.
క్షతగాత్రులను ఆస్పత్రికి తరలిస్తున్న సిబ్బంది ఘటనా స్థలాన్ని పరిశీలిస్తున్న అధికారులు క్షతగాత్రుల్ని దంతెవాడ జిల్లా ఆసుపత్రికి తరలించిన పోలీసులు.. ఆ ప్రాంతంలో అదనపు బలగాలను మోహరించినట్లు తెలిపారు. భద్రతాబలగాలు అనుకుని పొరపాటున బొలేరో వాహనాన్ని మావోయిస్టులు పేల్చి ఉంటారని.. అనుమానిస్తున్నారు. అయితే దంతెవాడలో పోలీసు బలగాలు ఎప్పుడూ నాలుగు చక్రాల వాహనాలు ఉపయోగించవని ఎస్పీ అభిషేక్‌ పల్లవా వెల్లడించారు.
ఇదీ చూడండి:Covid updates: దేశంలో మరో 42,982 మందికి కరోనా
