16:42 May 26
అతితీవ్ర తుపాను 'యాస్'.. తీరం దాటింది. ఉదయం 9 గంటలకు ఒడిశాలోని ధామ్రా వద్ద తీరాన్ని తాకిన తుపాను.. బాలేశ్వర్కు 20 కిలోమీటర్ల దూరంలో తీరం దాటినట్లు వాతావరణ విభాగం తెలిపింది.
తీరాన్ని తాకే సమయంలో ఒడిశా, బంగాల్ తీర ప్రాంత జిల్లాలపై తుపాను తీవ్ర ప్రభావం చూపింది. భీకర గాలులు, భారీ వర్షాలకు పలు ప్రాంతాలు వణికిపోయాయి. గంటకు 130 నుంచి నుంచి 155 కిలోమీటర్ల వేగంతో వీచిన పెను గాలులు ఒడిశాలోని భద్రక్ జిల్లాను అతలాకుతలం చేశాయి. బంగాల్‌లోనూ ప్రచండ గాలులు, జోరు వానలకు అనేక ప్రాంతాలు జలమయమయ్యాయి.
11:55 May 26
11:05 May 26
చెట్టు కూలి ఇద్దరు మృతి..
ఆనంద్పుర్, బాలేశ్వర్లో యాస్ తుపాను తీవ్ర రూపం దాల్చుతోంది. ఆనంద్పుర్, బాలేశ్వర్లో చెట్టు కూలి ఇద్దరు మృతి చెందారు. గాయపడ్డ మరో వ్యక్తిని ఆనంద్పుర్లోని ఆసుపత్రికి తరలించారు స్థానికులు.
10:25 May 26
మరో మూడు గంటలు..
యాస్ తుపాను ప్రభావం మరో 3-4 గంటలపాటు కొనసాగుతుందని ఒడిశా విపత్తు నిర్వహణ కమిషనర్ పీకే జానా తెలిపారు. ధమ్రా, బాలేశ్వర్ ప్రాంతంలో తీరం దాటే అవకాశం ఉందన్నారు.
09:31 May 26
తుపాను ఉద్ధృతి..
బంగాల్లో యాస్ తుపాను తీవ్రరూపం దాల్చుతోంది. తూర్పు మిడ్నాపుర్ దగ్గర సముద్రం నీరు నివాసిత ప్రాంతాలకు చేరుకుంది.
08:52 May 26
తీవ్ర వర్షపాతం..
యాస్ తుపాను ప్రభావంతో భద్రక్ జిల్లాలోని ధమ్రా ప్రాంతంలో భారీ వర్షపాతం నమోదైంది. గంటకు 155 కిలోమీటర్ల వేగంతో గాలులు వీస్తున్నాయి.
08:10 May 26
యాస్ తుపాను : చెట్టు కూలి ఇద్దరు మృతి
బంగాళాఖాతంలో ఏర్పడిన అతి తీవ్ర తుపాను యాస్.. తీరానికి చేరువైంది. బుధవారం మధ్యాహ్నం ఒడిశాలోని బాలాసోర్ దక్షిణ ప్రాంతంలో తీరం దాటుతుందని భారత వాతావరణ శాఖ(ఐఎండీ) ప్రకటించింది. యాస్ తుపాను.. ఒడిశాలోని ధామ్రాకు 60 కి.మీ.ల దూరంలో, పారదీప్కు 90కి.మీ.ల దూరంలో కేంద్రీకృతమై ఉందని ఐఎండీ తెలిపింది.
ఆ రాష్ట్రంలోని బాలాసోర్కు 105 కి.మీల దూరంలో, బంగాల్ దిఘాకు 240 కి.మీల దూరంలో ఉన్నట్లు చెప్పింది.
