విమానాల్లో వచ్చి గొలుసులు చోరీ.. అంతా భార్య కోసమే!

Chain Snatcher on Flight: వరుస దొంగతనాలకు పాల్పడుతున్న వ్యక్తిని బెంగళూరు పోలీసులు అరెస్టు చేశారు. ఇతడిపై హైదరాబాద్​లోనూ ఏడు కేసులు ఉన్నాయి. రాజస్థాన్​కు చెందిన ఈ దొంగ.. చోరీల కోసం విమానాల్లో వచ్చేవాడని పోలీసులు తెలిపారు.

Chain Snatcher on Flight: విమానాలలో వచ్చి చోరీలకు పాల్పడుతున్న గొలుసుల దొంగను బెంగళూరు పోలీసులు అరెస్టు చేశారు. నిందితుడిని రాజస్థాన్​కు చెందిన ఉమేశ్ ఖాటిక్​గా గుర్తించారు. బెంగళూరులో ఇదివరకు బైక్​లను చోరీ చేసేవాడు ఉమేశ్. దొంగలించిన బైక్​లపై తిరుగుతూ.. రోడ్లపై వెళ్లే మహిళల మెడలో నుంచి గొలుసులు కొట్టేసేవాడు. దొంగతనం చేసిన తర్వాత రాజస్థాన్​లోని తన సొంతూరికి రైలులో వెళ్లేవాడు. అక్కడ తన భార్యకు అన్ని సౌకర్యాలు సమకూర్చేవాడు.

నిందితుడు ఉమేశ్

గతేడాది బెంగళూరులో దొంగతనాలు చేసి.. మకాం హైదరాబాద్​కు మార్చాడు. అక్కడ చోరీలు ప్రారంభించాడు. ఇతడిపై రాజస్థాన్​లో 18, హైదరాబాద్​లో ఏడు, బెంగళూరులో ఏడు కేసులు నమోదయ్యాయి. ఇటీవల తిరిగి బెంగళూరుకు వచ్చి.. మారతహళ్లి, పుట్టెనహళ్లి, సీకే అచికట్టు పోలీస్ స్టేషన్ ప్రాంతాల్లో మూడు గొలుసులను కొట్టేశాడు ఉమేశ్.

Chain snatching for wife: మైనర్​గా ఉన్న సమయంలోనే తన భార్యను వివాహం చేసుకున్నాడు నిందితుడు. దీనిపై కేసు నమోదు కాగా.. జైలుకు వెళ్లి వచ్చాడు. శిక్ష పూర్తైన తర్వాత మళ్లీ ఆమెను వివాహమాడాడు. భార్యను పోషించుకునేందుకే దొంగతనాలు చేస్తున్నట్లు పోలీసుల విచారణలో నిందితుడు తెలిపాడు.

ఇదీ చదవండి:పబ్​జీ దోస్త్​ ​కోసం 'రైలులో బాంబ్'.. పోలీసులు హడల్