ఒకే కుటుంబంలో ఐదుగురు ఆత్మహత్య- కారణమేంటి?

ఛత్తీస్​గఢ్​ దుర్గ్​ జిల్లాకి చెందిన ఓ కుటుంబం ఆత్మహత్య చేసుకుంది. ఆర్థిక సమస్యలే ఇందుకు ప్రధాన కారణంగా సూసైడ్​నోట్​లో పేర్కొంది.

ఛత్తీస్​గఢ్​లో విషాద ఘటన జరిగింది. దుర్గ్​ జిల్లాలో ఒకే కుటుంబానికి చెందిన ఐదుగురు ఆత్మహత్య చేసుకున్నారు. వారిలో ఇద్దరు ఉరి వేసుకొని బలవన్మరణానికి పాల్పడగా.. మరో ముగ్గురు కాలిన శరీరంతో కనిపించినట్లు పోలీసులు తెలిపారు. ఆర్థిక ఇబ్బందుల వల్లే వారు ఆత్మహత్యకు పాల్పడినట్లు సూసైడ్​ నోట్​లో ఉందని వెల్లడించారు. మృతులను రామ్ బ్రిజ్ గైక్వాడ్, అతని భార్య జంకీ బాయి, కుమారుడు సంజు, కుమార్తెలు జ్యోతి , దుర్గాలుగా గుర్తించారు.

తండ్రి రామ్​, కుమారుడు సంజు ఇంట్లోనే ఉరి వేసుకోగా... అతని భార్య, కుమార్తెలు పొలంలో నిప్పంటించుకున్నట్లు పోలీసులు అనుమానిస్తున్నారు. ఈ ఘటనపై ఛత్తీస్​గఢ్​ హోంమంత్రి తమరాధ్వాజ్ సాహు విచారణకు ఆదేశించారు.